Сүүлийн хоёр жил тасалдаад байсан Оюутны спорт аяллын "ТУРИАД" тэмцээнийг ШУТИС-ийн захиргаа, хамт олон ШУТИС-ийн багш, спортын мастер, гарамгай аялагч Б.Баатардорж агсны нэрэмжит болгон, ивээн тэтгэж явууллаа. Тэмцээн 2018 оны дөрөвдүгээр сарын 27-29-ний өдрүүдэд Гачууртын “Хар усан” тохойд 3 өдөр 2 шөнө болж аяллын спортын 7 төрлөөр хурд хүч, тэсвэр хатуужил, эр зориг, авхаалж самбаа, багаар ажиллах чадвар шалган өрсөлдөв.
Тэмцээнд ШУТИС-ийн 5, ХААИС, Үндэсний их сургууль, Зохиомж дээд сургууль, Мон-Алтиус БТДС, Дархан-уул аймгийн ТИС, Өмнөгов аймгийн сургуулийн нийт 18 баг оролцсон. Аяллын спортоор овоглон, амьдрал хөдөлмөрөө зориулж алдраа дуурсгаж явсан Б.Баатардорж агсны гэргий, үр хүүхэд, ах дүү төрөл төрөгсөд, үе үеийн шавь нар, ШУТИС-ийн Биеийн тамир, спортын тэнхим болон Монголын спорт аяллын холбоо тус тэмцээнийг зохион байгууллаа.
“ТУРИАД-2018” спорт явган аяллын тэмцээний нээлт 2018 оны 4 дүгээр сарын 27-ний өдөр Сүхбаатарын талбайд болж ШУТИС-ийн Захирал Б.Очирбат, Монголын спорт аяллын холбооны тэргүүн Б.Жияандорж, Б.Баатардорж агсны гэргий, үр хүүхэд, ах дүү төрөл төрөгсөд, ШУТИС-ийн Биеийн тамир, спортын тэнхимийн хамт олон, шүүгч дасгалжуулагчид оролцсон юм. Аяллын тэмцээнд оролцогчид Сүхбаатарын талбайгаас тэмцээн болох Гачууртын “Хар усан” тохой хүртэл явган аялж энэ өдөр уулын оргил эзлэх, газрын зургийн тэмцээн, “Нуувч” илрүүлэх ронтерингийн тэмцээнээр өрсөлдөв.
ШУТИС-иас оролцсон баг тамирчид Захирал Б.Очирбаттай дурсгалын зураг татуулав
Харин 28, 29-ний өдрүүдэд бартаа туулах 5 төрөлт буухиа, сэлүүрт завины уралдаан, “Аялал амьдрах ухаан ” сэдэвт 3 минутад багтсан мюзикл, багийн ахлагчдын дунд явагдах “Би чадна” тэмцээнээр өрсөлдөж нэгдсэн дүнгээ гаргажээ. Тэмцээний хаалтын ёслолын арга хэмжээнд ШУТИС-ийн Захирал Б.Очирбат, оюутан залууст сэтгэлтийн тэнхээ, хамтын хүмүүжил олгож амьдрах ухааны сургууль болсон энэ тэмцээний ач холбогдол үр нөлөөг өндрөөр үнэлж дараа жилийн "Туриад" тэмцээнийг илүү өргөн хүрээтэй зохион байгуулахаар төлөвлөж буйгаа хэллээ.
Нэгдсэн дүнгээр МҮИС-ийн “Үндэсний соёмбо” баг тэргүүн байр, ИЗИС-ийн “8 замын даяанч” баг 2-р байр, Мон-Алтиус БТДС-ийн “Тэсрэлт” баг 3-р байр, ШУТИС-ийн МехТС-ийн “Жигүүр” баг шагналт байрт шалгарлаа. Зохиогдсон үндсэн 7 тэмцээний төрөл тус бүрийн аварга багийг тодруулахад Сэлүүрт завины төрөлд МехТС-ийн МСҮТ-ийн “Тэнгэрийн ирвэс” баг алтан медаль, Нуувч илрүүлэх ронтерингийн тэмцээнд ГУУС-ийн “Цагаан гялбаа” баг алтан медаль тус тус хүртлээ.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
