2018 оны 4-р сарын 27-нд ШУТИС-ийн “Русский центр”-д “Русский язык как иностранный: вчера, сегодня, завтра” сэдэвт уламжлалт, Олон улсын эрдэм шинжилгээний XIV бага хурал боллоо. Энэхүү хурлыг ШУТИС, МУИС, МУБИС, Улаанбаатар хот дахь Оросын шинжлэх ухаан, соёлын төв хамтран зохион байгуулдаг билээ. Уг бага хурал нь Монгол – Оросын найрамдал, хамтын ажиллагааг бэхжүүлэх, орос хэлийг түгээн дэлгэрүүлэх чухал ач холбогдолтой арга хэмжээ гэж үзэн хурлын үйл ажиллагааг ОХУ-аас Монгол Улсад суугаа Элчин Сайдын Яам ямагт дэмжиж байдаг юм. Энэ удаагийн хуралд манай улсын их, дээд сургуулийн эрдэмтэн багш нараас гадна ОХУ-ын Москва, Санкт-Петербург, Новосибирск, Иваново, Кубань, Барнаул, Эрхүү хот, Буриад, Халимаг, Казахстаны их, дээд сургуулийн багш, эрдэмтэн судлаачид бүтээлээ ирүүлж оролцлоо. Хуралд БНХАУ-аас эрдэм шинжилгээний бүтээлээ илгээж оролцсон явдал нь хурлын цар хүрээ тэлэгдэж байгаагийн нэг илэрхийлэл болов. Энэ жилийн хуралд залуу эрдэмтэн судлаачид өргөн хүрээтэй хамрагдсаныг онцлон тэмдэглэж байна.
Бага хурлаар орчин цагийн хэл шинжлэл, орос хэл болон гадаад хэлийг заах арга зүй, Монголын боловсролын салбарын бүх шатны сургууль дахь орос хэл судлал, түүний заах аргын чиглэлд тулгарч буй чухал асуудлыг хөндсөн 50 гаруй шинжилгээ, судалгааны бүтээлийг эмхэтгэн хэвлүүлж, 20 илтгэлийг хурлаар хэлэлцлээ.
Зохион байгуулагчдын зүгээс тухайн хуралд ярилцаж, хэлэлцсэн асуудлуудаар хийгдсэн тодорхой дүгнэлт, санал, санаачилгыг Монгол болон ОХУ-ын зохих төрийн ба төрийн бус байгууллагын удирдлагуудын сонорт хүргүүлэхээр шийдвэрлэв.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
