“Дэлхийн номын өдөр-2018” арга хэмжээний хүрээнд Академич, шинжлэх ухааны гавьяат зүтгэлтэн Д.Дашжамцийн номын хэлэлцүүлэг амжилттай явагдлаа. Хэлэлцүүлэгт ШУТИС-ийн захирал Б.Очирбат, Сургалт, оюутны асуудал эрхэлсэн дэд захирал Х.Энхжаргал, Хөгжлийн бодлого, төлөвлөлт эрхэлсэн дэд захирал Б.Сүхбат, Эрдэм шинжилгээ, хамтын ажиллагаа эрхэлсэн дэд захирал Т.Намнан, Төв номын сангийн захирал Ч.Гулнар болон бүрэлдэхүүн сургуулийн захирал, академич, профессор багш, судлаачид, оюутнууд оролцож баяр хүргэж, хүндэтгэл үзүүллээ.
ШУТИС-ийн номын сангаас профессор багш нарын номын нээлт, хэлэлцүүлгийг хийж батламж олгодог уламжлал ёсоор Дашжамц багшийн "Шинжлэх ухааны судалгааны ажлын онол-арга зүйн үндэс" номонд батламж гардууллаа. Тус ном нь магистр, доктор оюутан, судалгааны ажил хийж байгаа судлаачид зориулагдсан чухал бүтээл юм.
Тус арга хэмжээний үеэр хамт олноо тэргүүлэн ажилласан мэргэжилтэн, номын санчдыг бүрэлдэхүүн сургуулиудын захирлын нэрэмжит шагналаар шагналаа.
Дэлхийн номын өдрийн хүрээнд төв болон салбар номын сангуудад профессор багш нарын ном, бүтээлийн болон ОХУ-аас захиалан авсан сургалт судалгааны номын үзэсгэлэн гаргаж, оюутан уншигчдын дунд “Азын сугалаа”, “АХА” асуулт хариултын тэмцээнүүдийг зохион явууллаа. Манай үйл ажиллагааг дэмжин оролцсон ШУТИС-ийн удирдлагууд, профессор багш, оюутан уншигчдадаа баярлалаа.
Шинжлэх ухаан, технолгийн төв номын сан
"Газрын тосны инженерчлэл" хөтөлбөрийн ШУТИС-ийн 2-4 курсийн оюутнууд "Горгаз" ХХК, "Газ-Ойл Нефть" ХХК, "Ситигаз Энержи" ХХК-ийн үйл ажиллагаатай танилцав
“Монгол газрын тос боловсруулах үйлдвэр” ТӨХХК-ийн төслийн бүтээн байгуулалтын үйл ажиллагаатай танилцлаа
“Эрдэс баялгийн салбарын сургалт-судалгаа-хамтын ажиллагааны хөгжил” үндэсний II хэлэлцүүлэг болж байна
ШУТИС, ШУА-ийн Физик-технологийн хүрээлэнтэй хамтын ажиллагааны санамж бичиг байгууллаа
Экологи, тогтвортой хөгжлийн төвийн үйл ажиллагааг сэргээн эхлүүллээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
