Боловсролын Магадлан Итгэмжлэх Үндэсний Зөвлөл нь Дээд боловсролын сургалтын байгууллагуудад 2018 оныг “Чанарын баталгаажуулалтын жил” болгон зарласантай холбогдуулан 2018 оны 3-р сарын 30-нд Улаанбаатар хотноо “Чанарын соёл- Чанарын дотоод баталгаажуулалт” сэдвийн дор олон улсын хурал Туушин зочид буудлын Соёмбо танхимд зохион байгуулагдлаа.
Уг хурлыг Улсын Их Хурлын гишүүн, Боловсрол, соёл, шинжлэх ухаан, спортын сайд, Боловсролын магадлан итгэмжлэх үндэсний зөвлөлийн удирдах зөвлөлийн дарга Ц.Цогзолмаа нээж үг хэллээ.
Чанарын соёлыг хэвшүүлэх арга зам болсон чанарын дотоод баталгаажуулалтыг хөгжүүлэхэд их дээд сургуулийн удирдлага болон чанарын баталгаажуулалтын нэгжийн мэргэжилтнүүдийн чадавхыг бэхжүүлэх зайлшгүй шаардлагатай байгаа тул энэ чиглэлээр мэргэшсэн олон улсын мэргэжилтнүүдийг урьж оролцуулсан юм.
Манай сургуулийн хувьд Чанарын хяналт, шинжилгээ, үнэлгээний албыг байгуулж, олон улсын туршлагаас суралцаж, чанарын дотоод баталгаажуулалтын үйл ажиллагааг бодит үр дүнд суурилан эрчимжүүлэхээр ажиллаж байна.
Оролцогч талууд: Боловсрол, Соёл, Шинжлэх Ухаан, Спортын Яамны Дээд боловсролын бодлогын газрын дарга, мэргэжилтнүүд, их дээд сургуулиудын удирдлага, багш, чанарын дотоод баталгаажуулалтын нэгжийн мэргэжилтэн, судлаачид багш нар оролцлоо.
Чанарын хяналт, шинжилгээ, үнэлгээний алба
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
