Шинжлэх Ухаан Технологийн Их сургуулийн хичээлийн VIII дугаар байрны шав тавих ёслолын ажиллагаа өнөөдөр 10 цагт ШУТИС-ийн Төв номын сангийн арын талбайд боллоо.
Ёслолын ажиллагаанд БСШУСЯ-ны төлөөлөгчид, ШУТИС-ийн Захирал Б.Очирбат, дэд захирлууд болон эрдэмтэн багш, оюутны төлөөллүүд оролцов. ШУТИС-ийн хамт олон тус хичээлийн байрыг 2015 оноос эхлэн барихаар төлөвлөсөн бөгөөд өнгөрсөн хугацаанд барилга барих бүх шатны зөвшөөрөл, барилгын зураг төсөл зэргийг хийжээ.
Барилга барих бэлтгэл бүрэн хангагдаж, энэ жил барилгын ажлыг эхлүүлэхээр болсон байна. Тус хичээлийн VIII дугаар байрыг барьснаар хичээлийн болон лабораторийн анги танхимын хүрэлцээ нэмэгдэхээс гадна багш, оюутнуудын ажиллаж, суралцах таатай орчин бүрдэх юм. Хичээлийн VIII дугаар байр нь 40 лаборатори, лекцийн 9 болон хурлын нэг танхим, багш ажилчдын 25 өрөө зэрэг орчин үеийн тоног төхөөрөмжөөр хангагдсан байх бөгөөд оюутнуудыг ая тухтай орчинд суралцах, тэдний хөгжлийг дэмжихэд чиглэсэн 12 давхар цогцолбор болохоор зураг төсөлд тусгагджээ.
Мөн энэ үеэр “ШУТИС-ийн хэвлэх үйлдвэр”-ийн нээлтийн үйл ажиллагааг зохион байгууллаа. ШУТИС нь үйлдвэрээ өргөжүүлэн орчин үеийн дэвшилтэт технологи болох дижитал болон офсет хэвлэлийн машинаар бүрэн тоноглогдсон ШУТИС-Хэвлэлийн газар байгуулан ийнхүү нээж буй юм.
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
