ШУТИС болон Бүгд Найрамдах Турк Улс, Хойд Киприйн Туркийн БНУ-ын их сургуулиудтай хамтын ажиллагааг өргөжүүлэх зорилгоор Санхүү, хөрөнгө оруулалт эрхэлсэн дэд захирал Л. Баяр-Эрдэнээр ахлуулсан төлөөлөгчид Гирнейн Америкийн их сургууль (Girne American University), Киприйн Америкийн их сургууль (American University of Cyprus), Станбул Айдин их сургууль (Istanbul Aydın University), BAU Бахчешер их сургууль (Bahçeşehir University)-иудад 2018 оны 02-р сард айлчиллаа.
Айлчлалын үеэр тус их сургуулиудтай хамтын ажиллагааны санамж бичиг байгууллаа. Цаашид их сургуулиудын хамтын ажиллагааг өргөжүүлэх, багш, оюутан солилцоог эхлүүлэх, хамтарсан эрдэм шинжилгээ, туршилт судалгааны ажлыг дэмжих чиглэлээр олон ажлыг хэрэгжүүлэх боломжийг бий болгоод зогсохгүй БНТУ-ын их сургуулиудтай өргөн хүрээнд хамтран ажиллах томоохон гарцыг бий болгож байна.
Хамтарсан сургалтын хөтөлбөр хэрэгжүүлж эхэлснээр манай оюутнууд Хойд Кипр дэх Гирнейн Америкийн их сургууль төдийгүй дэлхийн бусад оронд (ИБУИНВУ, Хонконг, АНУ, Турк, Молдав, Шриланк) байрлах салбар сургуулиудад ШУТИС-ийн сургалтын төлбөрөөр суралцах боломж бий боллоо.
Мөн айлчлалын үеэр БНТУ-ын Станбул хотод болсон “Евразийн дээд боловсролын хамтын нийгэмлэг”-ийн албан ёсны гишүүн болж 3 дахь удаагийн чуулга уулзалтад оролцож, олон орны их дээд сургуулиудын төлөөлөлтэй санал солилцож, хамтран ажиллах боломжуудыг судлалаа.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
