ШУТИС, Бизнесийн Удирдлага, Хүмүүнлэгийн Сургуулиас АЖБХН-тай хамтран “Монголын Аялал жуулчлалын салбарын төлөвшил, хөгжлийн асуудлууд” сэдэвт эрдэм шинжилгээний бага хурлыг ШУТИС Төв номын сангийн хурлын танхимд 2018.02.02 өдөр амжилттай зохион байгууллаа. Хуралд аялал жуулчлалын бодлого төлөвлөлт, хүний нөөцийн хөгжил, орон нутагт аялал жуулчлал хөгжүүлэх нөөц боломж, аялал жуулчлалын авто тээврийн нөхцөл байдал, бүтээгдэхүүн хөгжүүлэлт, аялал жуулчлалын хөгжилд тулгамдсан асуудлууд, хөтөч-тайлбарлагч нарын үйлчилгээний чанар зэрэг салбарт тулгамдсан асуудлуудыг хамарсан нийт 14 илтгэл хэлэлцүүлэгдлээ.
Хуралд БОАЖЯ, ЗГХА Соёл урлагийн газар, Нийслэлийн аялал жуулчлалын газар, Аялал жуулчлалын боловсрол-хөгжлийн нийгэмлэг, Монголын Аялал жуулчлалын холбоо, Аялал жуулчлалын боловсрол, сургалт судалгааны төв, ШУТИС-МТС, ШУТИС-ҮТС, МУИС, МҮИС, МУБИС, ХААИС, СУИС, Аялал жуулчлалын ур чадварын мэргэжлийн сургууль, Үйлдвэрлэл урлалын сургууль, Азийн дэд бүтцийн судалгааны хүрээлэн, Хөтөч-тайлбарлагч төв болон аялал жуулчлалын салбарт бизнес эрхэлдэг “Нью Жуулчин” ХХК, “Sky Dream” ХХК, “Орхон” ХХК, “Галт туур” ХХК, “Хүрэн баавгай” ХХК, “Макс” групп, “Ган тур” ХХК зочид төлөөлөгчид, аялал жуулчлалын менежментийн бакалавр, магистр оюутнууд оролцлоо.
Энэ удаагийн хурлын онцлог нь төрийн байгууллага, төрийн бус байгууллага, их дээд сургуулиуд болон аялал жуулчлалын бизнесийн байгууллагууд олноор оролцсон бөгөөд салбарт харъяалах байгууллагуудын хамтын ажиллагааг хөгжүүлэх, тулгамдсан асуудлуудыг шийдвэрлэх тал дээр олон чухал санаачилга, шийдлүүдийг хэлэлцүүлснээрээ ач холбогдолтой байлаа.
Хуралд илтгэлээ хэлэлцүүлсэн, санал бодлоо илэрхийлсэн нийт зочид төлөөлөгчиддөө талархал илэрхийлж, судалгаа шинжилгээний ажилд нь өндөр амжилт хүсье!
Зохион байгуулах комисс
ШУТИС, ТМС, Аялал жуулчлалын менежментийн хөтөлбөрийн баг
2018.02.05
"Газрын тосны инженерчлэл" хөтөлбөрийн ШУТИС-ийн 2-4 курсийн оюутнууд "Горгаз" ХХК, "Газ-Ойл Нефть" ХХК, "Ситигаз Энержи" ХХК-ийн үйл ажиллагаатай танилцав
“Монгол газрын тос боловсруулах үйлдвэр” ТӨХХК-ийн төслийн бүтээн байгуулалтын үйл ажиллагаатай танилцлаа
“Эрдэс баялгийн салбарын сургалт-судалгаа-хамтын ажиллагааны хөгжил” үндэсний II хэлэлцүүлэг болж байна
ШУТИС, ШУА-ийн Физик-технологийн хүрээлэнтэй хамтын ажиллагааны санамж бичиг байгууллаа
Экологи, тогтвортой хөгжлийн төвийн үйл ажиллагааг сэргээн эхлүүллээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
