ШУТИС-ийн ГУУС-ийн Геологи, гидрогеологийн салбар “Грунтын механик” лаборатори байгуулан 2017 оны 12 дугаар сарын 04-ний өдөр нээлт хийлээ. Монгол Улсад гидрогеологи, инженер геологи, геоэкологийн салбар үүсч хөгжсөний 45 жилийн ойд зориулан гидрогеологи, инженер геологи, геоэкологийн мэргэжлийн сургалтын материаллаг баазыг бэхжүүлэх, эрдэм шинжилгээ судалгааны ажлыг дэмжих зорилгоор “Грунтын механик” -ийн лабораторийг байгууллаа.
Нээлтийн ёслолын ажиллагаанд ШУТИС-ийн Эрдэм шинжилгээ, хамтын ажиллагаа эрхэлсэн дэд захирал Т.Намнан, ГУУС-ийн захирал Л.Пүрэв болон тус сургуулийн эрдэмтэн багш нар оролцлоо. Тус судалгааны лаборатори Английн VJT компанийн олон улсын ISO, ASTM, үндэсний MNS стандартаар явуулах багаж, тоног төхөөрөмжөөр грунтын туршилт судалгааг явуулна. Дээд боловсролын сургалтын чанарыг дээшлүүлэхэд өгөөжтэй бакалавр, магистр, доктор оюутнууд онолын хичээлээс гадна судалгаан дээр үндэслэсэн туршилтыг явуулах боломжтой. Грунтын механикийн судалгааны лаборатори байгуулах ажлыг ГУУС-ийн Геологи, гидрогеологийн салбарын ахлах багш Я.Болормаа хариуцан ажилласан.
Энэхүү лабораторийг байгуулахад гүн туслалцаа үзүүлсэн ШУТИС, ГУУС-ийн захиргаа, Геологи, гидрогеологийн салбарын проффессор Д.Оюун, Монголын Улсын Гавьяат багш, шинжлэх ухааны доктор, профессор Н.Батсүх, профессор М.Алей, “Инженеринг Прогресс” компанийн захирал, инженерүүдэд гүн талархал илэрхийлье.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
