ШУТИС-ийн ОСҮА нь Нийслэлийн хөдөлмөр эрхлэлтийн газартай хамтран 2017-2018 оны намрын төгсөгч оюутнууддаа зориулан “Сайн байна уу амьдрал минь”, “Ажлын ертөнц рүү алхан орох үе”, “Ажилдаа эзэн болох нь” зэрэг маш сонирхолтой сэдвүүдийн хүрээнд цуврал сургалтуудаа зохион байгууллаа. Уг сургалтуудыг Монголын ажил мэргэжлийн мэргэшсэн зөвлөхүүдийн тэргүүн, сургагч багш Ш.Сосорбарам, Сургалтыг Хөгжлийн хөтөч ТББ-ын тэргүүн, зөвлөх багш Д.Байгальмаа нартай хамтран төгсөгч оюутнууддаа хүргэлээ.
“Сайн байна уу амьдрал минь” сургалтаар төгсөгч оюутнууддаа сургуулиа төгсөхөөс өмнө ажлын байранд өөрийгөө хэрхэн бэлтгэх, ажилд орох анкет, өргөдөл бөглөх, ажлын ярилцлагад бэлтгэх, хөдөлмөрийн гэрээ хийх, ажлын байранд дасан зохицох зөвлөгөө мэдээлэл өгсөн бол “Ажлын ертөнц рүү алхан орох үе”, “Ажилдаа эзэн болох нь” сэдвээр ажилд орсны эхний 3 сар та юу хийх ёстой вэ?, шинэ ажилтнууд ажилдаа тохирдоггүй буюу ажлаас халагддаг шалтгаан, насанд хүрэгчдийн хариуцлага, хууль дүрэм баримтлах, эрүүл мэндээ хэрхэн хамгаалах сэдвүүдээр асуулт хариултын зарчмаар явагдлаа.
Уг сургалтад 2017 оны 9-р сарын 22 нд БАС, ГУУС, ҮТС, ХШУС, ЭХИС-ийн төгсөх ангийн 108 оюутан, 9-р сарын 27 нд МИС-ийн 148 оюутан, 10 сарын 4 нд БУХС-ийн 102 оюутан, мөн 11 сарын 2 нд БУХС-ийн 61 оюутан нийт 419 оюутан төгсөх ангийн оюутнууд хамрагдлаа.
Онцлон хэлэхэд сургалтад идэвхтэй оролцсон оюутан залуучууд, зохион байгуулахад туслалцаа үзүүлж бүх төгсөгчдөө хамруулсан МТС-ийн дэд захирал Ж.Хашбат болон бүрэлдэхүүн сургуулийн дэд захиралууддаа талархал илэрхийлье.
Оюутны соёл, үйлчилгээний алба
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
