ШУТИС 2016 оноос оролцож байгаа Европын Холбооны Erasmus+GREB, PAWER төслүүдийн удирдагч Итали улсын Лакуила хотын их сургуулийн проректор Анна Тоцци тэргүүтэй төлөөлөгчид Монголд хүрэлцэн ирж, PAWER төслийн хурлыг МУИС-д зохион байгууллаа.
GREB төсөл нь ногоон байгууламж, ухаалаг барилгын чиглэлээр сургалт явуулах боломжийг төсөлд оролцож буй сургуулиуд Европын орнуудын туршлага дээр судалж, бакалавр, магистрын хөтөлбөрийг шинээр боловсруулан ирэх хичээлийн жилээс хэрэгжүүлэх зорилготой юм. ШУТИС-ийн БАС, Е-Нээлттэй институтийн профессор багш нар төслийн хүрээнд Итали, Швед, Австри зэрэг оронд хэд хэдэн сургалт семинарт хамрагдаад байна.
PAWER төслийн гол зорилго нь төсөлд оролцож буй арав гаруй орны 23 их дээд сургуулиудын кредит системийг хэрэгжүүлж байгаа байдал, тэдгээрийн агуулга, харилцан хамаарлыг судалж, Европын Холбооны Болонийн гэрээгээр зохицдог журамтай хир дүйцэж байгаа, цаашлаад сургууль болгоны кредитүүдийг харилцан дүйцүүлэхэд оршино. Ирээдүйд дипломуудаа харилцан зөвшөөрөх ч боломжтой болж болох юм. Төслийн хүрээнд ШУТИС-ийн сургалтын алба, гадаад харилцааны ажилтнууд Англи, Польш, Унгар зэрэг Европын орнуудын сургалтад хамрагдах гэж байна.
Дашрамд дурдахад профессор Анна Тоцци нь математикийн профессор бөгөөд өмнө нь ERASMUS MUNDUS GATE төслөөр хамтран ажиллаж ШУТИС-ийн БАС, ХШУС, ЭХС-ийн багш нарыг 6 сараас 1 жилийн сургалтад хамруулсан билээ.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
