ШУТИС-ийн Эрдмийн зөвлөлийн 2017 оны 5 дугаар сарын 15-ны өдрийн хурлын шийдвэрээр БНСУ-ын иргэн, Солонгос-Монголын хамтын ажиллагааны форумын Бизнесийн салбарын дэд ерөнхийлөгч Жэ Сон Ху-д Монгол-Солонгосын найрсаг харилцаа, хамтын ажиллагааг өргөжүүлэх, Монгол Улсын нийгэм, эдийн засгийг хөгжүүлэх үйл хэрэгт оруулж буй хувь нэмрийг нь өндрөөр үнэлж, ШУТИС-ийн “Хүндэт доктор” цолыг Техник, технологийн салбараар олгохоор шийдвэрлэсэн байна.
Хүндэт докторын цол өргөмжлөх ёслолын ажиллагаа 2017 оны 5 дугаар сарын 25-ны өдөр ШУТИС-ийн Эрдмийн зөвлөлийн 203 тоот өрөөнд болж өндөрлөлөө.
Энэхүү ёслолын үйл ажиллагаанд ШУТИС-ийн Эрдмийн зөвлөлийн төлөөлөл, Ректоратын гишүүд, Монгол-Солонгосын эдийн засгийн форумын Удирдах зөвлөлийн дарга, УИХ-ын гишүүн Н.Энхболд, тус форумын Бизнес хариуцсан ерөнхийлөгч Б.Батхүү, УИХ-ын гишүүн Л.Болд, Монгол – Солонгосын эдийн засгийн форумын гүйцэтгэх захирал Ц.Буян-Ундрах, Солонгос-Монголын хамтын ажиллагааны форумыг үүсгэн байгуулагч Жон Жан Сон болон албаны бусад хүмүүс оролцож ШУТИС-ийн хүндэт доктор цол хүртсэн Жэ Сон Ху-д баяр хүргэлээ.
Жэ Сон Ху нь Солонгос - Монголын хамтын ажиллагааны форумын дэд ерөнхийлөгчөөр ажилладаг бөгөөд Монгол, Солонгос 2 орны эдийн засаг, худалдаа, хөрөнгө оруулалтын хамтын ажиллагаа, туршлага солилцох үйл ажиллагаа болон бизнес эдийн засаг, нийгмийн хамтын ажиллагааг дэмжих, түүнчлэн төр, хувийн хэвшлийн хамтын ажиллагаанаас гадна 2 орны иргэд хоорондын соёл, боловсрол, оюуны хамтын ажиллагаа, хөрөнгө оруулалтыг хөгжүүлэхэд удирдлагаар ханган ажиллаж, үйл ажиллагаагаа явуулж байна.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
