Монголын Мэдээллийн Технологийн Консорциумаас санаачлан, Шинжлэх Ухаан Технологийн Их Сургууль болон Монгол Улсын Их Сургуулийн хамтран зохион байгуулсан “Монголын Мэдээллийн Технологи” эрдэм шинжилгээний хурал тав дахь удаагаа амжилттай зохион байгуулагдлаа. Хурлын ивээн тэтгэгчээр Б.Ууганбаяр захиралтай Интерактив Компани, Ч.Чимиддорж захиралтай Ай Би Ай компани, Г.Гантуяа захиралтай Монголконтент компани ажиллав.
Энэхүү хурал нь Монголын мэдээллийн технологийн чиглэлээр сургалт, судалгааны явуулдаг их, дээд сургууль, эрдэм шинжилгээний байгууллагын эрдэмтэн, судлаач нарын өнгөрсөн хугацаанд хийсэн судалгаа, шинжилгээний ажилтай танилцаж хэлэлцдэг бөгөөд энэ жил “Мэдээлэл, холбооны технологи боловсролд” сэдвийн хүрээнд хэлэлцүүлэг хийлээ.
ММТ–2017 эрдэм шинжилгээний хуралд “Мэдээлэл, холбооны технологи боловсролд”, “Дүрс боловсруулалт, дүрслэл”, “Их өгөгдөл”, “Дохио боловсруулалт”, “Мэдээллийн технологийн хэрэглээ”, “Удирдлагын cистем” гэсэн 6 салбар хуралдаанаар 10 гаруй их дээд сургууль, эрдэм шинжилгээний байгууллагын 47 аман болон үзүүлэн илтгэлийг хэлэлцэж, сонгогдсон сайн бүтээлүүдийг нэгтгээд “Хурлын эмхэтгэл” -ийг гаргалаа.
Эрдэм шинжилгээний хуралд оролцогчдын цар хүрээ улам өргөжин тэлж, мэдээллийн технологи, програм хангамжийн чиглэлээр үйл ажиллагаа явуулдаг 10 гаруй төрийн байгууллага компани, 10 гаруй бизнесийн компаниудын төлөөлөл оролцож байгаа нь энэ удаагийн хурлын бас нэг онцлог болж байв.
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
Өвөрмонголын их сургуулийн Үйлс бүтээлийн сургуулийн төлөөлөгчдийг хүлээн авч уулзав.
ШУТИС Узбекстан Улсын Текстил ба хувцас үйлдвэрлэлийн Ассоциацитай харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
