Хэрэглээний шинжлэх ухааны сургуулийн “Материал судлалын төв”, “Химийн инженерчлэлийн салбараас “Барилга.МН” сэтгүүлтэй хамтран “Материал судлал ба орчин үе” сэдэвт эрдэм шинжилгээний ээлжит хурлыг 2017 оны 4 дүгээр сарын 11-нд амжилттай зохион байгууллаа.
Хурлыг нээж ШУТИС-ийн эрдэм шинжилгээ, инноваци эрхэлсэн проректор Ч.Баасандаш, ХШУС-ийн захирал Д.Буянтогтох, нар мэндчилгээ дэвшүүлэв. Проректор Ч.Баасандаш материал судлал нь тэргүүлэх салбаруудын нэг учраас энэ чиглэлээр судалгаа шинжилгээний ажлыг улам эрчимжүүлэн үйлдвэрлэл, их сургуулийн хамтын ажиллагааг өргөжүүлэн инновацийн бүтээгдэхүүн гаргах, судалгааны ажлыг олон улсын түвшинд хүргэснээр “Материал судлал ба орчин үе” хурлыг олон улсад хүлээн зөвшөөрөгдсөн хурал болтол нь хөгжүүлэх хэрэгтэй байгааг цохон тэмдэглээд хуралд оролцогчдод амжилт хүссэн билээ.
ХШУС-ийн захирал Д.Буянтогтох байгалийн ухаан болон техникийг нэгтгэдэг нэг чухал салбар бол материал судлал яах аргагүй мөн гээд тус сургуулийн химийн инженерчлэлийн салбар болон физикийн тэнхимийн эрдэмтэд хамтран БНСУ-ын “Материал судлалын хүрээлэн”-тэй төсөл хэрэгжүүлэх, тус сургуулийн нийт салбар, тэнхимүүдийн эрдэмтэн багш нар хамтарсан хурал семинар зохион байгуулах зэрэг ажил гүйцэтгэж байгаа талаар товч мэдээлэл өглөө.
Энэхүү хуралд ШУТИС-ийн ХШУС, МехТС, БАС, ҮТС болон МУҮИС-ийн эрдэмтэн судлаач багш нар болон докторант, магистрантууд, “Бэрэн” группийн ерөнхий инженер Л.Бямбадорж нар илтгэл тавьж, Жонон дээд сургуулийн нано инженерчлэлийн багш оюутнууд ирж оролцлоо.
Мөн тус хуралд ШУТИС-ийн гадаад харилцааны албаны дарга Т.Ууганбаяр, Монгол улсын зөвлөх инженер О.Лхагваа, Х.Намхай, Ж.Янжмаа нар болон БАК-ийн нэгдсэн лабаорторын эрхлэгч доктор (Ph.D) Б.Өлзийбүрэн, А.Мөнхзаяа, Монголын барилгын материал үйлдвэрлэгчдийн холбооны ерөнхий менежер, Монгол улсын зөвлөх инженер Н.Оч, лабораторийн шинжээч Өлзий-Очир нар оролцож санал бодлоо хуваалцан үнэтэй зөвлөгөө өгсөнд ХИС-ийн хамт олны зүгээс гүн талархал илэрхийлье.
“Open Campus – 2025” нээлттэй өдөрлөг амжилттай боллоо
“ГАЗРЫН ТОСНЫ БОЛОВСРУУЛАЛТЫН ТЕХНОЛОГИ” бакалаврын 2+2 хамтарсан хөтөлбөрийн гэрээ байгууллаа.
“Нэг бүс нэг зам” хил дамнасан ухаалаг тээвэр, автомат жолоодлогын тээврийн хэрэгсэл, ногоон, түгжрэлгүй хот хамтарсан лаборатори байгуулна
“Олон улсын шинжлэх ухааны мэдээллийн сангийн ашиглалт, түүний санхүүжилт, үр нөлөөг нэмэгдүүлэх арга зам” сэдэвт хэлэлцүүлэг зохион байгуулагдлаа
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
