ШУТИС-ийн Бизнесийн удирдлага, Хүмүүнлэгийн сургууль болон ХСИС-ийн Эрх зүй, нийгмийн ухааны сургууль хамтран ажиллах санамж бичиг байгуулж, Бизнесийн удирдлага, Хүмүүнлэгийн сургуулийн захирал, доктор (Ph.D), дэд профессор Б.Пүрэвсүрэн, ХСИС-ийн Эрх зүй, нийгмийн ухааны сургуулийн захирал, цагдаагийн хурандаа Д.Батбилэг нар өнөөдөр (2017 оны 03 сарын 31-ний өдөр) хамтын ажиллагааны санамж бичигт гарын үсэг зурлаа. Санамж бичгийн хүрээнд профессор багш нарын сургалт, эрдэм шинжилгээний хамтын ажиллагааг өргөжүүлэх, харилцан туршлага солилцох, хамтарсан хурал, семинар, сургалт зохион байгуулах, багш, оюутан солилцооны хөтөлбөр хэрэгжүүлэх зэрэг хэд хэдэн чиглэлд хамтран ажиллахаар төлөвлөөд байна.
Бизнесийн удирдлага, Хүмүүнлэгийн сургуулийн захирал Б.Пүрэвсүрэн гадаад хамтын ажиллагаагаа хөгжүүлэхийн зэрэгцээ дотоод хамтын ажиллагаагаа өргөжүүлэх нь чухал ач холбогдолтой болохыг онцлоод талууд үр дүнтэй хамтран ажиллана гэдэгт итгэлтэй байгаагаа илэрхийлэв. Хамтран ажиллах санамж бичигт гарын үсэг зурах ёслолын ажиллагаанд Бизнесийн удирдлага, Хүмүүнлэгийн сургуулийн дэд захирал, доктор (Ph.D) Д.Ганбаатар, Нийгмийн ухааны салбарын эрхлэгч, доктор (Ph.D), дэд профессор Б.Долгор, ХСИС-ийн сургалт, эрдэм шинжилгээ эрхэлсэн дэд захирал, доктор (Ph.D), профессор, дэд комиссар Б.Бат-Эрдэнэ, Нийгмийн ухааны тэнхимийн эрхлэгч, хошууч П.Цацрал болон албаны бусад хүмүүс оролцов.
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
