ШУТИС-ийн Барилга, архитектурын сургуулийн "Хөрсний механик, Динамикийн судалгааны профессорын баг"-аас зохион байгуулсан "Барилга, байгууламжийн геотехникийн асуудлууд" сэдэвт уламжлалт 11-р эрдэм шинжилгээний бага хурал болон "Газар хөдлөл, Инженерчлэлийн судалгаа" сэдэвт Монгол-Японы эрдэмтэдийн хамтрсан семинар 2017 оны 3 дугаар сарын 12, 14-ний өдрүүдэд ШУТИС-д амжилттай болж өнгөрлөө.
Монгол-Японы хамтарсан семинар, эрдэм шинжилгээний бага хурлыг нээж БАС-ийн захирал, доктор, дэд профессор Э.Нинжгарав, ШУТИС-ийн Барилга, Архитектурын сургуулийн "Хөрсний механик, динамикийн судалгааны баг"-ийн ахлагч, монгол улсын шинжлэх ухааны гавъяат зүтгэлтэн, профессор (ScD), академич Д.Дашжамц нар үг хэлэв.
Монгол орны нутаг дэвсгэрийн баруун болон хойт хэсгийн уулархаг болон төвийн хэсгийг хамарсан өргөн уудам бүс газар нь газар хөдлөлийн идэвхитэй бүсэд хамрагдаж байдаг. Ийм учраас газар хөдлөлийн тухай мэдээг бүртгэх, боловсруулах, газар хөдлөлийн үйлчлэлийн эсрэг барилга байгууламжийн хариу үйлчлэлийг тооцож төлөвлөж, барьж байгуулах нь манай орны хувьд нэн чухал ач холбогдолтой асуудал юм.
Энэ удаагийн эрдэм шинжилгээний хурлын хүрээнд явагдсан олон улсын хамтарсан 4-р семинарт Япон улсын Тохоку их сургуулийн профессор М.Мотосака (Барилга-Мониторингийн системийн газар хөдлөлтийг урьдчилан анхааруулах системтэй хамтатгасан судалгаа, хөгжүүлэлт), Ямагата их сургуулийн профессор K.Мицужи (2011 оны Тохокугийн газар хөдлөлтийн үед эвдэрсэн шон суурьтай барилгын шинамик шинж чанар), Хирошима их сургуулийн профессор X.Ямомота (Ууталсан шороо ашиглаж газар хөдлөлийн үйлчлэлийг бууруулах судалгаа), Японы Кобияши корпорацын зураг төслийн ахлах инженер M.Toнo (Газар хөдлөлтийн үед эвдэрсэн барилгуудыг хүчитгэх Япон улсын туршлага) нар сонирхолтой илтгэлүүд тавьж оролцсон нь манай инженерүүдийн газар хөдлөлийн инженерчлэлийн мэдлэгийг хөгжүүлэх, туршлага эзэмшихэд чухал ач холбогдолтой болж байна.
Мөн энэ өдрүүдэд БАС-ийн "Хөрсний механик, динамикийн судалгааны профессорын баг" болон "Геотехникийн судалгааны төв"-өөс зохионбайгуулсан "Барилга, байгууламжийн геотехникийн асуудлууд" сэдэв онол практикийн бага хурал болж энэ хурал дээр монгол-японы эрдэмтэд өөрсдийн судалгааны үр дүнгүүдээс танилцууллаа. Тухайлбал ШУА-ийн эрдэмтэн нарийн бичгийн дарга, доктор Ч.Одонбаатар " Монгол орны газар хөдлөлийн аюулын үнэлгээ", БАС-ийн дэд профессор, доктор М.Оюунчимэг "Газар хөдлөлтийн долгионы барилга дахь тархалтын шинж чанарын судалгаа", БАС-ийн ахлах багш, доктор Ц.Цоггэрэл "2011 оны Тохокугийн газар хөдлөлтийн үед Сэндай хот ын бассены ул хөрсний чичэрхийллийн судалгаа", БАС-ийн багш, магистр Т.Мөнх-Өнөр "Улаанбаатар хот орчмын ул хөрсний инженерийн шинж чанар ба барилгад зориулсан газар чичэрхийллийн хариу үйлчлэлийн судалгаа", багш, магистр Т.Зоригт "Өндөр барилгын газар хөдлөлийн үе дэх динамик тооцооны 3-н хэмжээст төвлөрсөн массын аргын шинжилгээ " зэрэг илтгэлүүдийг тавьж хэлэлцүүлэв.
Хуралд оролцогчдод академич Д.Дашжамц, профессор М.Мотосака нар сертификат гардуулав
Манай урилгыг хүлээн авч эрдэм шинжилгээний хурал, монгол-япон улсын судлаачдын хамтарсан семинарт ирж илтгэл тавьж орлолцсон Япон улсын дээр дурьдсан их сургуулиудын профессор М. Мотосака, X.Ямомата, K.Мицужи, M.Toнo нартаа гүн талархалаа илэрхийлж байна.
Барилга байгууламжийн геотехникийн асуудлууд сэдэвт онол практикийн бага хурал, монгол -японы улсын их сургуулиудын хамтарсан семинарт идэвхтэй оролцсон нийт оролцогчдодоо талархал илэрхийлж цаашдын газар хөдөлийн инженерчлэлийн ажилд нь өндөр амжилт хүсье.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
