Монгол Улсын Шинжлэх ухаан, технологийн их сургууль (ШУТИС)-ийн Барилга, архитектурын сургууль (БАС)-ийн Барилгын инженерийн салбарын санаачилгаар “Ган гүүр”-ийн анхдугаар тэмцээн 2017 оны хоёрдугаар сарын 10-11-ний өдрүүдэд амжилттай зохион байгуулагдлаа.
Тэмцээний зорилго нь их, дээд сургуулиудын барилга, авто зам, гүүрийн инженерийн чиглэлээр суралцаж буй оюутнуудын онолын мэдлэгээ практикт хэрэгжүүлэх чадвар, тэдний бүтээлч сэтгэлгээ болон багаар ажиллах чадварыг хөгжүүлэх, мэргэжлийн өндөр ур чадвар, ёс зүйтэй инженерүүдийг бэлтгэх, “Азийн Ган гүүрийн тэмцээн” (Asia Steel Bridge Competition)-д Монгол улсаа төлөөлөн оролцох багийг шалгаруулах явдал байлаа.
“Ган гүүр”-ийн анхдугаар тэмцээнийг Монголын үндэсний их сургуулийн Барилгын инженерийн сургууль хамтран зохион байгуулж 13 баг оролцсоноос ШУТИС-ийн тав, МҮИС-ийн нэг баг эцсийн шалгаруулалтанд өрсөлдөв.
Оролцогч багууд “Азийн ган гүүрийн тэмцээн”-ий дүрмийн дагуу 4~4,4 м урттай, 60 см өргөнтэй энгийн гүүрийг өөрсдөө төсөллөж, барилгын гангаар үйлдвэрлээд тэмцээний талбайд угсарч, ачаалж уралдсан ба угсралтын өртөг, бүтээцийн өртөг, нийт өртөг, гоо зүй, илтгэл, хотойлтын урьдчилсан тооцоо төрлүүдэд дараах байруудыг эзлэв. Үүнд:
Нэгдсэн дүнгээр:
1-р байр - ШУТИС-ийн “Аравт” баг
2-р байр - МҮИС-ийн “Creative guys”баг тус тус шалгарлаа.
Тэмцээнд идэвхтэй оролцсон нийт оюутнууд, дэмжиж ажилласан БАС-ийн захиргаа, ивээн тэтгэсэн Химон констракшн ХХК, Рич констракшн ХХК, Номин констракшн девелопмент групп, Тэдмэнт хийц ХХК, Барилга байгууламж ХХК болон БАС-ийн ЭЗ-ийн гишүүн, МУ болон Буриад улсын гавьяат барилгачин Б.Жүгдэр, Барилга.мн сэтгүүл, шүүгч, зохион байгуулж ажилласан нийт багш, ажилтнууддаа талархал илэрхийлж цаашдын ажил үйлс нь өөдрөг амжилттай байхыг ерөөе.
Тэмцээний фэйсбүүк пэйж хуудас нь “Ган гүүр”.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
