МХТС-ийн хөтөлбөрийн ангийн оюутнууд 2016.10.21 –ний өдөр Хангыл үсгийн баяраа хийв. Энэ жилийн Хангыл үсгийн баяр МИС, МХТС дээр явагдсанаараа онцлог байлаа. МХТС нь БНСУ-ын Сүн Чонхян их сургуультай “Системийн аюулгүй байдал” мэргэжлээр хамтарсан хөтөлбөр хэрэгжүүлж буй бөгөөд эхний 5 оюутан Солонгост сурч байна.
Хангыл үсгийн баяр “ШУТИС бидний бахархал” дуугаар эхэлж, ГХИ-ийн АСТ-ийн эрхлэгч Л.Чойжилмаа нээж үг хэлэв. Хангыл үсгийн баярын хүрээнд цэвэр бичлэг, уран илтгэл, жүжгийн тэмцээн зарласан бөгөөд уран илтгэлийн тэмцээний эхний шатны шалгаруулалтаар курс тус бүрээс 5 оюутан, жүжгийн 2 баг шалгарч сүүлийн шатанд оролцлоо.
Жүжгийн тэмцээнд 2-р курсийн оюутнуудын тоглосон “Алт мөнгөн сүх” жүжиг, уран илтгэлийн тэмцээнд 1-р курсийн оюутан Б.Долгорсүрэн, 2-р курсийн оюутан Н.Төгсмандах, цэвэр бичлэгийн тэмцээнд 1-р курсийн оюутан Э.Алтанбагана, 2-р курсийн оюутан Ш.Цэцэгжаргал нар тэргүүн байр эзэллээ. Солонгос хэлийг 2∼9-хөн сар сурч буй оюутнууд цэвэр бичлэгийн үзэсгэлэн гаргаж, ханын сонин гаргаж, кимбаб хийж, Солонгос үндэсний дөрвөл хөгжим тоглож, тэквандогийн үзүүлбэр үзүүлж, дэвүүрт бүжиг бүжиглэж, Солонгос дуу дуулж сонирхуулав. Тэмцээний шүүгчээр МСАБ-ийн салбарын эрхлэгч Я.Дашдорж, ГХИ-ийн АСТ-ийн дэд профессор Н.Мэнд, Солонгосын Олон улсын хамтын ажиллагааны байгууллагын багш Им Гёнжин, Чой Хыйсүг нар ажиллав. Хангыл үсгийн баяр зохион байгуулахад дэмжиж ажилласан МХТС-ийн захирал Б.Сүхбат багшдаа баярласнаа илэрхийлье. Оюутнууддаа сурлагын өндөр амжилт хүсье.
Гадаад хэлний институт Ази судлалын тэнхим
Мэдээ бэлтгэсэн Н.Мэнд
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
