АББ групп ШУТИС-ийн ГУУС-д орчин үеийн дэвшилтэт технологи бүхий 250 сая төгрөгийн лабораторийг хандивлах ёслолын арга хэмжээ болон АББ группийн жил болгон зарладаг тэтгэлэгт хөтөлбөрийн эздэд бүтэн жилийн сургалтын төлбөрийн тэтгэлгийг гардуулж өгөх арга хэмжээ болж өнгөрлөө.
АББ группийн нэрэмжит “Цахилгаан хөтлүүр, автоматжуулалт”-ын энэхүү лабораторийг нээснээр уул уурхайн салбарт цахилгааны мэргэжлээр сурч буй оюутнууд хамгийн орчин үеийн дэвшилтэт технологиос суралцах, практик дадлага эзэмших, цаашид үйлдвэрлэлийн ашиглалтыг явуулах боломжтой болохоос гадна Монгол Улсын уул уурхайн эрчим хүчний салбарын инженерүүдийн мэдлэг, мэргэжлээ дээшлүүлэхэд ихээхэн тус дөхөм болох болно. Тус лабораторид уул уурхайн компаниудын хэрэгцээнд өргөн ашиглагдаж болохуйц хамгийн орчин үеийн технологи бүхий тоног төхөөрөмжүүдийг суурилуулсан юм.
АББ групп жил болгон нийгмийн хариуцлагын хүрээнд цахилгааны инженер мэргэжлээр сурч байгаа 1-2 оюутанд бүтэн жилийн сургалтын төлбөр, зарим тохиолдолд 2 жил хүртэлх тэтгэлгийг олгодог юм. Энэ жил АББ групп хамрах хүрээгээ тэлж Геологи, уул уурхайн сургуулийн Уурхайн цахилгаан тоног төхөөрөмжийн ашиглалт мэргэжлээр сурч байгаа оюутнуудыг хамруулж 3 оюутанд сургалтын тэтгэлэг олголоо
Энэхүү лабораториуд болон тэтгэлгийг гардуулснаар АББ групп энэ жил нийт 500 гаруй сая төгрөгийн хөрөнгө оруулалтыг монголын боловсролын салбарт хийлээ. Энэ нь монголын боловсролын салбарт хувийн хэвшлийн байгууллагаас хөрөнгө оруулалт, дэмжлэг үзүүлснээрээ хамгийн томд тооцогдох юм.
Дээрх төслүүдийг дэмжиж, хамтран ажилласан Б.Бямбадорж захиралтай МонХорус Интернэшнл ХХК, Батхүрэл захиралтай Бодит Чадал ХХК-ний хамт олныг онцолж талархал илэрхийлье. АББ группийн албан ёсны дистрибьюторуудын туслалцаа, хүн хүч, дэмжлэггүйгээр энэ төслүүд биеллээ олоход хүндрэлтэй байх байсан юм.
Лабораторийн нээлт
Цахилгаан хөтлүүр, автоматжуулалтын лаборатори
Уурхайн цахилгаан тоног төхөөрөмжийн ашиглалт-IV оюутан Х.Худабай АВВ-н бүтэн жилийн тэтгэлэг гардлаа.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
