ШУТИС-ийн эрүүл мэнд, спорт, явган аялалын “Тэмүүлэл” клуб Монголын Их дээд сургууль, коллежуудын дунд “Алтан намар-2016“ спорт явган аялалын тэмцээнийг амжилттай зохион байгууллаа. 1998 оноос хойш 19 дэхь жилдээ зохиогдож байгаа энэ удаагийн тэмцээн Баян зүрх хайрханы “Хар усан тохой” гэдэг газар 10 сарын 1,2 ны өдрүүдэд 8 төрлөөр явагдаж, 14 багийн 102 тамирчин оролцон хурд, хүч, авхаалж самбаагаа сорин өрсөлдлөө.
Тэмцээний нэгдүгээр байранд Мон Алтиус дээд сургуулийн ”Тэсрэлт” баг 86 оноогоор, хоёрдугаар байранд ШУТИС ийн Тэмүүлэл клубийн “Тэнгэрийн ирвэс“ баг 84 оноогоор, гурав дугаар байранд Их засаг их сургуулийн “Найман замын даяанч” баг 74 оноогоор, Тусгай шагналт дөрөвдүгээр байранд Дархан хотын Уран байгаль клубийн “Уран байгаль“ багууд орж шилжин явах цом, өргөмжлөл, мөнгөн шагналаар шагнууллаа.
Энэхүү тэмцээнийг зохион байгуулахад дэмжлэг туслалцаа үзүүлсэн ШУТИС-ийн захиргаа, Оюутны хөгжил үйлчилгээний алба, Оюутны холбоо болон хамтран ажилласан Монголын адал явдалт спорт явган аялалын холбооны шүүгчдийн зөвлөлд талархал илэрхийлж ажлын амжилт хүсэн ерөөе.
ШУТИС-ийн спорт явган аялалын “Тэмүүлэл” клубийн зөвлөх багш Б.Туяа
ШУТИС Зоонозын өвчин судлалын үндэсний төвтэй хамтран ажиллана
ШУТИС-ийн “Хүндэт доктор” цолыг “Эрдэнэт үйлдвэр” ТӨҮГ-ын Ерөнхий захирал Г.Ёндонд хүртээлээ
ШУТИС, Тайваны үндэсний төв их сургууль хамтын ажиллагаагаа өргөжүүлж, харилцан ойлголцлын санамж бичиг байгууллаа
АШУҮИС-ийн Монгол-Японы эмнэлэгтэй хамтран ажиллах гэрээ байгуулав.
ТДША-наас “Их сургуулийн ирээдүй: Дижитал орчин ба бүтээмжийн шинэ соёл” нээлттэй семинар зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
