2016 оны 6 дугаар сарын 1-3-ны өдрүүдэд Стратегийн технологийн олон улсын ээлжит XI форум (IFOST) ОХУ-ын Новосибирскийн технологийн их сургууль дээр зохион байгуулагдаж ЭХС-ийн профессор, IFOST хорооны гишүүн академич Д.Содномдоржоор ахлуулсан ШУТИС-ийн 22 багш, судлаачид оролцлоо.
Энэхүү форум нь бүс нутгийн хэмжээнд инженер, технологийн чиглэлээр жил бүр аль нэг гишүүн их сургууль дээр зохион байгуулагддаг олон улсын нэр хүнд бүхий томоохон эрдэм шинжилгээний хурал бөгөөд энэ удаагийн хурлыг IFOST-ийн 10 жилийн ойд зориулсан байна. ШУТИС тус форумд 2006 оноос гишүүн сургуулиар нэгдэн орсон бөгөөд 2007, 2013 онуудад уг форумыг өөрийн сургуульд амжилттай зохион байгуулж байсан юм.
Энэ жилийн форумд ШУТИС-ийн багш, судлаачдын 79 эрдэм шинжилгээний өгүүлэл илгээгдсэнээс 49 өгүүлэл хүлээн зөвшөөрөгдөн олон улсын IEEE мэдээллийн санд (http://ieeexplore.ieee.org/Xplore/home.jsp) бүртгэгдсэн байна.
Ирэх жилийн ээлжит IFOST-ийн XII форумыг БНСУ-ын Улсаны их сургууль дээр 2017 оны 5 дугаар сарын 31-ний өдрөөс 6 дугаар сарын 2-ны өдрүүдэд зохион байгуулахаар товложээ.
ЭРДЭМ ШИНЖИЛГЭЭНИЙ АЛБА
БАГШИЙН ХӨГЖЛИЙН ТӨВ
ШУТИС-ийн ахмад багш, доктор, профессор Ш.Чадраабал “Шинжлэх ухааны гавьяат зүтгэлтэн” цолоор шагнагдлаа
ШУТИС-ийн проректор В.Өлзийбаяр нарын бүтээл Монгол Улсын Төрийн шагнал хүртлээ
ШУТИС Зоонозын өвчин судлалын үндэсний төвтэй хамтран ажиллана
ШУТИС-ийн “Хүндэт доктор” цолыг “Эрдэнэт үйлдвэр” ТӨҮГ-ын Ерөнхий захирал Г.Ёндонд хүртээлээ
ШУТИС, Тайваны үндэсний төв их сургууль хамтын ажиллагаагаа өргөжүүлж, харилцан ойлголцлын санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
