ШИНЖЛЭХ УХААН, ТЕХНОЛОГИЙН ИХ СУРГУУЛЬ

БНСУ-ын Кёнхи их сургуульд докторын (PhD) зэрэг хамгаалж дипломоо гардан авлаа

ШУТИС-ийн МехТС-ийн Техникийн механикийн тэнхимийн ахлах багш Түмэн-Өлзийн Ганбат, багш Хуягбаатарын Батбаяр нар БНСУ-ын Кёнхи их сургуульд Механик инженерийн чиглэлээр докторын (PhD) зэрэг хамгаалж 2016.02.18-ны өдөр дипломоо гардан авав.

Доктор (PhD) Т.Ганбат нь “A Novel Process for Bundling Nano-fibers into Yarns and their Mechanical Properties” сэдвээр хамгаалж, суралцах хугацаандаа Кён-Хи их сургуулийн профессоруудтай холбоо тогтоон ШУТИС-ээс докторын дараахь судалгаанд 1 багш, магистр, докторын сургалтанд нийтдээ 10 оюутны сурах боломжийг нээж өгсөн болно.

Доктор (PhD) Х.Батбаяр “Biomechanical Investigation of Spinal Cord Injury and Disease in Cervical Spine: A Finite Element Analysis” сэдвээр ШУТИС-иас анх удаа Биомеханикийн шинэ чиглэлээр хамгаалж ШУТИС-ийн Биомеханикийн судалгааны профессорын багт ажиллахаар бэлтгэгдсэн залуу судлаач юм.