Сар шинийн баярын өмнөхөн буюу 2016 оны 2 дугаар сарын 5-ны өдөр Хангамж үйлчилгээний албаны ажилтан С.Өлзийт “Боловсролын тэргүүний ажилтан” цол тэмдгээр шагнагдсаныг ШУТИС-ийн ректор Б.Очирбат гардуулан өглөө.
Эрдмийн зөвлөлийн 01 дүгээр сарын 29-ний өдрийн 04 тогтоолоор зарим эрдэмтдэд ШУТИС-ийн профессор, дэд профессор цол олгосныг энэ өдрийн ректорын зөвлөлийн хурлаар гардуулан өгсөн юм. Профессор цолыг ГУУС-ийн ахмад багш Ж.Бямба-Юу, дэд профессор цолыг С.Гантөмөр, Ц.Оюунцэцэг, Ч.Баасандаш, Э.Энхцэцэг, Ц.Оюун, Б.Пүрэвсүрэн, Б.Сайнжаргал нарт олгосон байна.
Мөн энэ үеэр докторын сургалтын хөтөлбөрийг бүрэн дүүргэж, диссертац бичиж хамгаалсан 7 горилогчид докторын зэргийн диплом олгов. Техникийн ухааны докторын зэргийг Я.Ренчинванжил, И.Базаррагчаа, Н.Даваасамбуу, Я.Доржсүрэн, Ж.Төмөрхуяг, Г.Энхбаяр, Н.Туяа нарт олголоо.
Тус хурлаар Ректорын зөвлөлийн гишүүнээр ажиллаж байсан Г.Батхүрэл, Т.Намнан, Д.Долгорсүрэн, “Алтан гадас одон”-гоор шагнагдсан Л.Оюун нарт алд цэнхэр хадаг, мөнгөн аягатай цагаан идээний дээдийг өргөн барьж хүндэтгэл үзүүллээ.
Түүнчлэн ЭХС-ийн 4-р курсийн оюутан Ж.Төмөрбаатар аймгийн алдарт уяач цол хүртсэнийг Ректор Б.Очирбат гардуулан өгч баяр хүргэлээ. Увс аймгийн наадмын 5 түрүү, 8 айраг авч “Аймгийн алдарт уяач” цолны болзлыг хангасан байна. Ж.Төмарбаатар морь уях эрдмээс гадна дуулах авьяастай бөгөөд 2012 оны “Оюутны урлагийн XII их наадам”-д гоцлол дуу номинацад мөнгөн медаль, UBS телевизээс зохион байгуулдаг “Universe best songs 2014” амжилттай оролцож 4-р шат хүртэл оролцсон авьяаслаг оюутны нэг юм.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
