ШУТИС-ийн ОХҮА- наас шинээр элсэгч оюутан бүрт хүргэж буй “Багш, оюутны долоо хоног хөтөлбөр”-ийн хүрээнд зохион байгуулж байгаа “Оюутны хөгжил, төлөвшилд багшийн оролцоо” сэдэвт семинар амжилттай боллоо. Семинарт нийт 110 багш хамрагдлаа. Тус семинарыг ОХҮА-наас ШУТИС-ийн хэмжээнд 3 дахь жилдээ нийгмийн ухааны салбарын багш нартай хамтран зохион байгуулсан бөгөөд нийт 160 орчим багшид хүргэсэн. Энэ жил багшийн хөгжлийн төвтэй хамтран зохион байгуулснаар онцлог байлаа.
Семинарыг нээж ШУТИС-ийн ректор, доктор (Ph.D), профессор Б.Очирбат үг хэллээ тэрээр багш, оюутны хамтын ажиллагааг хөгжүүлэх, оюутны хөгжил, төлөвшлийн асуудалд анхаарал хандуулан хамтран ажиллах талаар ярилаа. ШУТИС-ийн ОХХА-ны асуудал эрхэлсэн проректор, доктор (Ph.D), дэд профессор П.Жаргалтуяа “Оюутны хөгжил, төлөвшилд багшийн оролцоо” сэдвээр оюутанд үзүүлж буй үйл ажиллагаа, цаашид авах арга хэмжээг танилцууллаа. БуХС-ийн доктор (Ph.D), дэд профессор Б.Даваажав “Харилцааны соёл, хандлага”, БуХС-ийн доктор (Ph.D), дэд професор Ц.Батцэрэн “Багшийн ёс зүйн тухай”, ҮТС-ийн дэд профессор, доктор (Ph.D) М.Баяр “Сурган хүмүүжүүлэгч багш нарын хувцаслалт, имидж бүрдүүлэлт”, сэдвээр лекцийг тус тус уншлаа. Сургалтын төгсгөлд хэлэлцүүлэг зохион байгуулсан ба хэлэлцүүлгийг ОХҮА-ны ахлах мэргэжилтэн Д.Цогзолмаа , БуХС-ийн доктор (Ph.D), дэд професор Ц.Батцэрэн нар удирдаж явууллаа. Хэлэлцүүлгийг 5 асуудлын хүрээнд 11 баг болгон ажиллуулсан. Багуудаас гарсан санал дүгнэлтийг боловсруулан зөвлөмж гаргана.
Семинарт хамрагдсан багш нарт БХТ-ийн захирал, доктор (Sc.D), дэд профессор Т.Уранчимэг “ШУТИС-н багш” бренд ойлголтын талаар тодорхой мэдээлэл өгч багш нарыг хөгжих, хэлний мэдлэгээ дээшлүүлэх талд анхааран ажиллах цаашид хамтран ажиллах тухайгаа хэллээ.
Семинарт суусан багш нарт гэрчилгээ гардуулах арга хэмжээнд ЭЗНХ-ийн проректор Д.Батчулуун оролцож багш нарт хандан цаашдын хөгжлийн чиг хандлагаар санал бодлоо хуваалцлаа.
Оюутны хөгжил, үйлчилгээний алба
Багшийн хөгжлийн төв
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
