ШУТИС-ийн Бизнесийн Удирдлага, Хүмүүнлэгийн Сургуулийн харъяа Сэтгэл зүйн төв нээлтээ хийлээ. Тус төв нь сэтгэл зүйн оношилгоо, зөвлөгөө, сургалт, судалгаа зэрэг цогц үйл ажиллагаа явуулах бөгөөд ШУТИС-ийн багш, ажилтан болон оюутнуудад 50 хүртэлх хувийн хөнгөлөлттэй тарифаар үйлчлэх юм. Төвийн үйл ажиллагаа, боловсон хүчний нөөц, онцлог зэргийг эрхлэгч Н.Ариунтуяа танилцуулав.
Нээлтийн ёслолын ажиллагаанд БуХС-н захирлын үүрэг гүйцэтгэгч Б.Пүрэвсүрэн, БуХС-н зөвлөх профессор Г.Батхүрэл, БуХС-н Нийгмийн ухааны салбарын эрхлэгч Б.Долгор, БуХС-н Бизнесийн удирдлагын салбарын эрхлэгч Д.Барсболд, профессор багш нар бусад албаны хүмүүс оролцлоо. Захирлын үүрэг гүйцэтгэгч, доктор Б.Пүрэвсүрэн төвийн үйл ажиллагааг нээж үг хэлэхдээ төвийн боловсон хүчний хувьд сэтгэл судлалын шинжлэх ухааны олон салбараар мэргэшсэн ур чадвартай хамт олон бүрдсэнийг онцлон тэмдэглэсэн юм.
Судалгаанаас үзэхэд сүүлийн үед нийгэмд донтолт, ганцаардал, сэтгэл гутрал, харилцааны асуудлууд газар авч суралцах, нийгэмших, өөрийгөө нээн хөгжүүлэхэд ихээхэн саад бэрхшээл тулгарч байна. Үүнтэй холбоотойгоор сэтгэл зүйн боловсрол эзэмших, өөрийгөө ойлгох, нээн хөгжүүлэх зэрэг хэрэгцээ шаардлага тус төвийг нээх нэгэн хөшүүрэг болсон байна. Тус төвд 8 сэтгэл зүйч бүхий чадварлаг хамт олон ажиллаж байгаагаас 5 нь докторын зэрэгтэй, 3 нь докторант залуу судлаачид байна. Цаашид ШУТИС-ийн багш ажилтан, оюутан сурагчид болон хүссэн хүн бүр тус төвөөр үйлчлүүлэн сэтгэл зүйн оношилгоо, зөвлөгөө, сургалтанд хамрагдан өөрийн дотоод сэтгэлийн амар амгалангаа олоход нээлттэй болсон байна.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
