ОХУ-ны анхны ерөнхийлөгч Б.Н.Ельцины нэрэмжит Уралын Холбооны их сургууль (УрФУ)-ийн нэгдүгээр проректор Др.Кортов С.В., нэгдүгээр проректорын орлогч, Залуучуудтай ажиллах төвийн захирал Др.Пономарев А.В., Боловсролын хөгжлийн төвийн захирал Др.Алена Л.Н., тэргүүтэй төлөөлөгчид 2015-оны 11 дүгээр сарын 26-27-ны өдрүүдэд манай сургуульд айлчиллаа. Зочдыг ШУТИС-ийн удирдлагууд, холбогдох салбарын профессор, багш нар, ШУТИС-д ажиллаж байгаа УрФУ-ийн үе үеийн төгсөгчдийн төлөөлөл хүлээн авч уулзалан хоёр их сургуулийн хамтын ажиллагааг өргөжүүлэн хөгжүүлэх талаар санал бодлоо солилцлоо.
Уулзалтын үеэр ШУТИС, ОХУ-ын УрФУ-тай магистрын сургалтын хамтарсан хөтөлбөр хэрэгжүүлэх, хамтарсан судалгааны ажил хийх, оюутан багш солилцох, барилгын мэргэжлийн чиглэлээр оюутнуудын олон улсын “Строй отряд”-г харилцан 2 талд зохион байгуулж оюутнуудыг дадлага хийлгэх, жил бүр ШУТИС-иас магистр төгссөн 5 оюутныг “Россотрудничество” агентлагийн шугамаар УрФУ-ийн аспирантурт элсүүлэн сургах зэрэг олон чиглэлээр хамтран ажиллахаар ШУТИС-ийн Ректор Б.Очирбат, УрФУ-г төлөөлөн Др.Кортов С.В нар хамтын ажиллагааны гэрээг өргөн хүрээгээр шинэчлэн гарын үсэг зурлаа.
Уулзалтын үеэр БАС-ын захирал Э.Нинжгарав, Хэлний Институтын захирал Т.Батбаяр, ЭХС-ийн дэд захирал УрФУ-ийн төгсөгч проф. Д.Өлзийорших нар хамтын ажиллагааны талаар өөрсдийн санал бодлоо хуваалцав. Мөн БАС-ын проф. Д.Дашжамц, ЭХС-ийн проф. академич С.Батмөнх нар УрФУ-ийн төгсөгчдийг төлөөлөн талархлын үг хэлж, проф. Д.Дашжамц өөрийн судалгааны бүтээлээс УрФУ-ийн номын санд дурсгал болгон өглөө.
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
