Нэг Бүс Нэг Зам Олон Улсын Хөгжлийн Судалгааны Академийн дэмжлэгтэйгээр Шинжлэх Ухаан, Технологийн Их Сургуулийн Механик Инженер, Тээврийн Сургууль болон БНХАУ-ын Liaoning Railway Vocational and Technical College-ийн хамтын ажиллагааны хүрээнд хэрэгжиж буй Монгол–Хятадын төмөр замын “Mozi Workshop” төслийн хүрээнд иж бүрэн сургалтын тоног төхөөрөмж хүлээн авах, суурилуулах, турших болон сургагч багш бэлтгэх үйл ажиллагааг амжилттай зохион байгууллаа.
Төслийн хүрээнд Монголд анх удаа HXD3C цахилгаан зүтгүүрийн жолоодлогын сургалтын төхөөрөмж, HXN3 дизель зүтгүүрийн жолоодлогын сургалтын төхөөрөмж, галт тэрэгний жолоодлогын симуляцын программ хангамжийг сургалтын зориулалтаар нэвтрүүлж, суурилуулан ашиглалтад бэлтгэж байна.
Мөн сургалтын компьютер, дэлгэц, удирдлагын төхөөрөмж, дадлагын ажлын байр болон бусад тоноглолыг суурилуулж, программ хангамж, системийн ажиллагаанд туршилт, тохируулга хийлээ.
Үүний зэрэгцээ тоног төхөөрөмж, симуляторуудыг сургалтад үр дүнтэй ашиглах зорилгоор сургагч багш нарыг чадавхжуулах сургалт зохион байгуулж, төхөөрөмжийн ашиглалт, удирдлага болон программ хангамжийн чиглэлээр дадлага сургалт хийлээ.
“Mozi Workshop” сургалтын орчин нь оюутнуудад зүтгүүрийн жолоодлого, удирдлагыг бодит ажлын нөхцөлд ойр симуляцын орчинд дадлагажуулах, төмөр замын салбарт шаардлагатай практик ур чадвараа
хөгжүүлэх шинэ боломжийг бүрдүүлж байна.
Киотогийн Их Сургуулийн проректор Фүюүки Ишикава болон бусад төлөөлөгчдийг Эрдэм шинжилгээ, инновац эрхэлсэн проректор Д.Цолмонбаатар хүлээн авч уулзлаа
“Ноолуур судлал-2026” эрдэм шинжилгээний хурлын хүрээнд Япон, Италийн эрдэмтэд ШУТИС-ийн удирдлагатай уулзлаа
Талархлын батламж гардууллаа
Шилдэг эрдэмтэн багш, профессор, судлаач, ажилтнуудад шагнал гардуулах ёслолын ажиллагаа боллоо
БНАСАУ-ын Ким Чек Технологийн их сургуульд урилга гардуулав.
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
