МҮХХУАкадеми нь үл хөдлөх хөрөнгө зуучлалын салбарын мэргэжилтнүүдийг мэргэшүүлэх урт, богино хугацааны болон олон улсын зэрэг олгох боловсролын хөтөлбөр, сургалт зохион байгуулдаг байсан бол энэ удаа үл хөдлөх хөрөнгийн менежментийн салбарт чиглэсэн хөтөлбөр санаачилж ШУТИС-ийн Барилга архитектурын сургуультай хамтран ажиллахаар боллоо.
Санамж бичгийн зорилго нь үл хөдлөх хөрөнгийн өнөөгийн үнэ цэнийг хадгалж, ирээдүйн үнэ цэнийг өсгөх үйлчилгээг үзүүлдэг бүх шатны мэргэжилтнийг академик түвшинд бэлтгэж, онол болон практик мэдлэг хосолсон, салбарын онцлогт суурилсан сургалтын баазыг бий болгох юм.
Барилга, архитектурын сургууль нь барилгын салбарын инженер техникийн үндсэн мэргэжилтнүүдийг бэлддэг хамгийн том их сургууль бөгөөд тус 2 байгууллагаас үл хөдлөх хөрөнгийн менежментийн шилдэг багш, судлаач, топ компанийн захирлуудын оролцоотой хөтөлбөр хэрэгжих юм.
Хөтөлбөрт үл хөдлөх хөрөнгийн менежментийн салбарыг сонирхдог хувь хүн, аж ахуй нэгж, үл хөдлөх хөрөнгийн менежментийн үйл ажиллагаа эрхэлдэг компани, байгууллагууд, сууц өмчлөгчдийн холбоод, болон ОСНААУГ менежментийн ажилтнууд хамрагдах боломжтой.
Мөн сургалтаас үл хөдлөх хөрөнгийн менежментийн үйл ажиллагааны суурь мэдлэг авахаас гадна МҮХХУА болон ШУТИС хамтарсан СЕРТИФИКАТ-тай болох, цаашид тус байгууллагуудын боловсролын урт хугацааны хөтөлбөрт хамрагдахдаа уг кредит цагийг тооцуулах боломжийг тэд бүрдүүлжээ. Тус сургалт нь 2022 оны 9-р сарын 29,30-нд зохион байгуулагдахаар төлөвлөгдөж байна.
Дэлгэрэнгүй мэдээлэл авах холбоос: https://www.facebook.com/RealEstateAcademyMongolia
ШУТИС-д UNESCO-ICHEI тэргүүтэй байгууллагуудын төлөөлөгчид зочлов
Монгол улс дахь Францын элчин яаманд ШУТИС-ийн ректор Т.Намнан зочиллоо
“Хиймэл оюунаар дээд боловсролын экосистемийг дэмжих нь” сэдэвт Зүүн Азийн дээд түвшний бодлогын хэлэлцээр зохион байгуулагдлаа
ШУТИС-ийн баг “Baku Gym for Challenge–2025” олон улсын тэмцээнээс Алтан медаль хүртлээ
ШУТИС-ийн төгсөгч Б.Наранбат 2024 оны Соёлын биет бус өвийн шилдэг өвлөн уламжлагчаар шалгарлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
