Өмнөговь говь аймгийн Даланзадгад хотноо өнөөдөр буюу 2022 оны 5 дугаар сарын 26-ны өдөр Монгол улсын Шинжлэх ухаан, технологийн их сургуулийн сургалт, судалгаа, инновацийн ажлын үр дүнг танилцуулах өдөрлөг зохион байгуулагдлаа.
Тус өдөрлөгт ШУТИС-ийн захиргаа, бүрэлдэхүүн сургуулиуд, Коосэн технологийн коллеж, Ерөнхий боловсролын ахлах сургууль, эрдэм шинжилгээний хүрээлэн, сургалт судалгааны төвийн төлөөлөл нийт 70 гаруй эрдэмтэн, багш нар оролцож олон нийтэд сургалт, судалгаа, инновацийн ажлын үр дүн болох 300-гаад бүтээлийг танилцуулав.
ШУТИС-ийн мэргэжил сурталчлах өдөрлөг нь хөдөө орон нутагт суралцаж буй сурагчдад их сургуулийн сургалтын хөтөлбөрүүдтэй танилцах, ирээдүйн мэргэжлээ сонгоход нь дэмжлэг үзүүлэх боломж, бололцоог нээж өгч байгаагаараа онцлог юм.
ШУТИС-ийн мэргэжил сурталчлах өдөрлөгт Монгол Улсын Их Хурлын Гишүүн, Боловсрол, шинжлэх ухааны сайд Л.Энх-Амгалан, Өмнөговь аймгийн удирдлагууд, ШУТИС-ийн захирал Т.Намнан болон бусад албаны төлөөллүүд оролцлоо.
2022 оны 5 дугаар сарын 27-ны өдөр Өмнөговь аймгийн Даланзадгад хотод “Сургалт-эрдэм шинжилгээ-үйлдвэрлэлийн цогцолбор”-ын төсөл танилцуулах арга хэмжээ болох юм.
Маркетинг, олон нийттэй харилцах алба
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
“МХТС-ийн чадавхыг бэхжүүлэх” төслийн хаалтын арга хэмжээ боллоо
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
