“Япон-Монголын хамтарсан 1000 инженер төсөл”-ийн хүрээнд “Дэвшилтэт технологид суурилсан үйлдвэрлэл үйлчилгээ ба ахуйн ухаалаг системийн хөгжүүлэлтийн судалгааны баг”-ийн гишүүн, ШУТИС, МХТС-ийн Холбооны салбарын ахлах багш Д.Долгорсүрэн Японы Токушима (Tokushima University) их сургуулийн Оптикийн ухааны тэнхимийн (Department of Optical science) Оптикийн(Photonic laboratory) лабораторид 2019 оны 10 дугаар сарын 26-аас 11 дүгээр сарын 22-ны хооронд зэргийн бус сургалтыг амжилттай дүүргээд ирлээ.  

 

Токушима Их Сургуулийн профессор, багш нартай хамтран Оптикийн лабораторид дараах судалгааны ажлууд хийлээ.

• Тухайн сургуулийн профессор, багш нарын хийсэн судалгааны ажлуудтай танилцаж, зарим судалгааны ажлын хэлэлцүүлэгт оролцлоо.
• MJEED төслийн хүрээнд суурилагдах лабораторийн тоног төхөөрөмжид ажиллах гарын авлагыг орчуулж бэлэн болгосон.
• Албан ёсны лицензтэй Optisystem програм дээр ажиллаж идэвхгүй оптик сүлжээний архитектурыг гаргалаа.
• Оптик лазерын лабораторид Free-space experiment буюу шинэ төрлийн дохио гарган авах талаар туршилтууд хийсэн нь их үр дүнтэй байлаа.

 

Талархал

• Судалгааны ажлыг явуулахад санхүүгийн дэмжлэг үзүүлсэн Япон-Монголын хамтарсан 1000 инженер төсөл болон төслийн баг хамт олонд гүнээ талархаж байна.
• Судалгааны ажил хийх бололцоо олгож, үнэтэй зөвлөгөө өгч ажилласан доктор Г.Хишигжаргал ахлагчтай “Дэвшилтэт технологид суурилсан үйлдвэрлэл үйлчилгээ ба ахуйн ухаалаг системийн хөгжүүлэлтийн судалгааны баг”-ийн хамт олондоо талархал илэрхийлье.
• Өндөр нарийвчлалтай багаж тоног төхөөрөмж бүхий Токушима их сургуулийн Оптикийн ухааны тэнхимийн профессор Нобуо Гото, дэд профессор Хироки Кишикава болон бусад гишүүдэд талархаж буйгаа дамжуулъя.