ШУТИС-ийн 60 жилийн ойг угтсан багш, ажилчдын дунд “MUST CUP-2019” хөл бөмбөгийн тэмцээнийг 2019 оны есдүгээр сарын 7-8-ны өдөр “Дэрэн клуб”-ын талбайд боллоо. Жил бүр уламжлал болгон зохион байгуулагддаг тус тэмцээн 9 дэх жилдээ зохион байгуулагдаж байна. Тэмцээнд БУХС, ГУУС, МехТС, МХТС, ХШУС, ЭХС, Захиргаа, ОрТС гэсэн 8 баг, хоёр хэсэгт хуваагдан тоглов. Хэсгийн тоглолтоос Орхон аймаг дахь технологийн сургууль, Мэдээлэл холбооны технологийн сургууль, Эрчим хүчний инженерийн сургууль, захиргааны баг тамирчид шалгарч хоорондоо учраа тааран тоглосон.
“MUST CUP-2019” хөл бөмбөгийн тэмцээний тэргүүн байрт Орхон аймаг дахь технологийн сургуулийн багш тамирчид шалгарч алтан медаль, шилжин явах цом, өргөмжлөл, мөнгөн шагнал хүртлээ. Хоёрдугаар байрт Мэдээлэл холбооны технологийн сургуулийн баг тамирчид мөнгөн медаль, гуравдугаар байрт Эрчим хүчний сургуулийн баг тамирчид хүрэл медалийн тус тус хүртлээ. Шилдэг довтлогчоор ЭХС-ийн сүлжээний инженер Т.Баттөмөр, шилдэг хамгаалагчаар ЭХС-ийн ахлах багш Д.Балдандорж, шилдэг хаалгачаар ЭХС-ийн ахлах багш Я.Содбаяр нар шалгарлаа. Тэмцээнд оролцсон нийт баг тамирчид даа спортын өндөр амжилт хүсье.
"Хятад-Монголын хамтарсан олон улсын инженерийн тэнхим" байгуулах гэрээнд гарын үсэг зурлаа
Монгол–Японы хамтарсан судалгаа – бизнес түншлэл 2026 болж байна
БНСУ-ын Сүнчонхян их сургуулийн төлөөлөгчид ШУТИС-д айлчилж, хамтарсан хөтөлбөрийн 10 жилийн ойг тэмдэглэлээ
ШУТИС 2026–2027 оны хичээлийн жилд шинээр элсэгчдэд зориулсан нэгдсэн уулзалт, orientation арга хэмжээ зохион байгууллаа
“Эрчим хүчний салбарын залуу инженерүүдийн техникийн ур чадварыг дээшлүүлэх төсөл” амжилттай хэрэгжиж, хаалтын арга хэмжээгээ зохион байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
