ШУТИС-ийн Оюутны хөдөлмөр эрхлэлтийг дэмжих төвөөс Нийслэлийн хөдөлмөрийн газартай хамтран “ШУТИС-Төгсөгчдийн ажлын байр” өдөрлөгийг зохион байгуулав. Өдөрлөг 2011 оны 5 дугаар сарын 20-нд зохион байгуулагдсан бөгөөд зорилго нь ШУТИС төгсөгчдийн хөдөлмөр эрхлэх боломжийг нэмэгдүүлэх, ажил олгогч аж ахуй нэгж их сургуулийн хамтран ажиллах боломжийг нэмэгдүүлэх, байгууллагуудад хүний нөөцөө бүрдүүлэхэд нь дэмжлэг үзүүлэх, оюутны хөдөлмөр эрхлэлтийг дэмжих үйлчилгээг суртачлах зэрэг байлаа.
Өдөрлөгийн нээлтэнд НХХЯамны төрийн нарийн бичгийн дарга У.Бямбасүрэн, Нийслэлийн Засаг даргын орлогч Ц.Цогзолмаа болон нийслэлийн ЗДТГазрын Нийгмийн хөгжлийн хэлтсийн дарга М.Отгонбаяр, Монголын үйлдвэрчний эвлэлийн холбооны ерөнхийлөгч С.Ганбаатар, Нийслэлийн хөдөлмөрийн газрын дарга Г.Батсайхан, Монголын ажил олгогч эздийн нэгдсэн холбооны хөдөлмөрийн харилцааны газрын орлогч дарга Ц.Эрдэнэбаатар, БСШУЯамны Мэргэжлийн боловсролын газрын мэргэжилтэн Х.Батсайхан болон ШУТИС-ийн удирдлагууд оролцлоо.
Өдөрлөгт М-Си-Эс групп, Мобиком, Юнител, Энержи Ресурс ХХК, Макс групп, Хас банк, Сүү ХХК, Ник-Петровис ХХК зэрэг монголын томоохон шилдэг ажил олгогчид болон ШУТИС-ийн бүрэлдэхүүн сургуулиуд оролцохоос гадна Нийслэлийн хөдөлмөрийн газраас ажил олгогч байгууллагуудын ирүүлсэн ажлын байрны захиалгыг нээлттэй байршууллаа. Өдөрлөгт нийт 3500 гаруй сул ажлын байр зарлагдсан. Ажил олгогч аж ахуйн нэгжүүд байгууллагуудын зүгээс ажилд сонгон шалгаруулах бодлого, ажлын байранд тавигдах шаардлага ур чадваруудыг ажлын байрны сул орон тооны хамт танилцуулж, ажлын байрны бүртгэлд хамрууллаа. Сургалтын байгууллагын зүгээс төгсөгчдийнхөө мэргэжил ур чадварын талаарх мэдээллийг ажил олгогч байгууллагуудад нээлттэй байдлаар танилцуулан цаашид ажил олгогчидтой хамтран ажиллах нөхцөл боломжийн талаар яриа хэлэлцээр хийгдлээ.
Өдөрлөгт оролцон ажлын байрны саналуудаа танилцуулсан нийт ажил олгогчиддоо талархал илэрхийлье.
ШУТИС. Оюутны хөдөлмөр эрхлэлтийг дэмжих төв
Утас: 324085
“Эндаументын сан”-г олон улсын жишигт нийцүүлэн байгуулж анхны хөрөнгө оруулалтаа олон улсаас татлаа
ШУТИС, ХШУС-ийн төлөөлөл ХБНГУ-ын Фрайбергийн их сургуулийн сургалт, эрдэм шинжилгээ, төсөл хөтөлбөрүүд, хагас үйлдвэрлэлийн төв, лабораториудын үйл ажиллагаатай танилцлаа
“Философи, хүний эрхийн уулзварт: хиймэл оюун ухаан ба ёс зүй” философийн улсын XVII олимпиадад ШУТИС-ийн оюутнууд дэд байрыг эзэллээ
Архивчдын өдрөөр ШУТИС-ийн ажилтнууд салбарын шагналаар шагнагдлаа
БНСУ-ын Чусон их сургуультай хамтын ажиллагаагаа “Жи-Локал Их Сургууль”, “РАЙС” төслөөр өргөжүүлнэ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
