ШИНЖЛЭХ УХААН, ТЕХНОЛОГИЙН ИХ СУРГУУЛЬ

ХҮСХХ-ийн Сорилтын төв Английн Interwoollabs-аас итгэмжлэлийн хүрээгээ өргөтгөж, олон улсад зөвшөөрөгдсөн тамгаа хүлээн авлаа

2015-12-31 00:54

ШУТИС-ийн Хөнгөн үйлдвэрийн судалгаа хөгжлийн хүрээлэнгийн Сорилтын төвийн итгэмжлэгдсэн лаборатори Английн Брадфорд дахь Interwoollabs-иас итгэмжлэлийн хүрээгээ өргөтгөн IWTO8:2011, IWTO47:2013 стандарт аргуудаар ноос ноолууран ширхэгтийн голч, голчийн тархалт, атирааг OFDA ба Гэрлийн микроскоп (PM)-оор тодорхойлох шинжилгээг олон улсын түвшинд гүйцэтгэх чадавхтайг нотолсон №133 дугаартай тамга, итгэмжлэлийн гэрчилгээгээ гардан авч 2016.01.01-нээс хүчин төгөлдөр ашиглах боломжтой боллоо.

Сорилтын төвийн захирал, ҮТС-ийн Ахлах багш Доктор (Ph.D) Р.Бадмаанямбуу, Лабораторийн эрхлэгч С.Цэрэндулам, шинжээч, эрдэм шинжилгээний ажилтан Ш.Нансалмаа, З.Баяртогтох, Д.Цэвэлмаа, Э.Дагвасүрэн, С.Саранцэцэг, Л.Оюунчулуун, Б.Хонгорзул, Г.Батчимэг нартаа баяр хүргэж, амжилт хүсье!