Дархан-Уул аймаг дахь Технологийн сургуулийн хүнс үйлдвэрлэлийн салбарын “Бүс нутгийн хүнс судлалын төв”-д олон улсын КОЙКА-байгууллагатай хамтран хэрэгжүүлсэн төслийн хүрээнд 60,7 сая төгрөгийн хөрөнгө оруулалттай, орчин үеийн, эгзэгтэй цэгийн хяналт, 5 шатны ариутгал бүхий хагас боловсруулсан махан бүтээгдэхүүний жижиг үйлдвэр 2011 оны 04-р сарын 15-ны өдөр ашиглалтанд орж нээлтийн тууз хайчиллаа. Уг арга хэмжээнд КОЙКА байгууллагын орлогч дарга Анн Чанг Су болон тус байгууллагын сайн дурын ажилтан 30 орчим төлөөлөгчид, Дархан-Уул аймгийн мэргэжлийн хяналтын газар, ХХААЖДҮ-ийн газар, стандарт хэмжилзүйн албаны төлөөлөл оролцлоо. Уг арга хэмжээний хүрээнд Солонгос үндэсний хоолны амтлагаа явагдаж, урлагийн тоглолт хийгдлээ.
Тус үйлдвэр нь хоногт 3 тн хагас боловсруулсан махан бүтээгдэхүүн үйлдвэрлэх хүчин чадалтай, солонгос үндэсний тансаг бүтээгдэхүүн болох Догкальби болон бусад хагас боловсруулсан махан бүтээгдэхүүн үйлдвэрлэж орон нутгийн хүн амыг үйлдвэрийн аргаар боловсруулсан, эрүүл, аюулгүй махан бүтээгдэхүүнээр хангахын зэрэгцээ хүнсний салбарын оюутнууд мэргэжлийн дадлага хийж өөрийн үнэлэмжээ нэмэгдүүлэн зах зээлд өрсөлдөх чадвар олж авах сайхан боломж нээгдэж байна.
ШУТИС-ийн Оюутны физикийн XXXVI олимпиад амжилттай зохион байгуулагдлаа
Баянзүрх хайрхан-2026 явган аялал уулын оргил булаацалдах тэмцээн амжилттай зохион байгуулагдав
Сүхбаатар аймагт ямааны ноолуурын бэлтгэлийн сургалт боллоо
“Мөрөөдлөө гэрэлтүүлье” хятад хэл соёлын өдөрлөг
"Монгол бичиг монгол хэл, сэтгэлгээний илэрхийлэл, тусгаар тогтнолын баталгаа болохын учир" лекц боллоо
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
