Шинжлэх ухаан, технологийн их сургуулийн 2016/17 оны хичээлийн жилийн намрын улирлын бакалаврын 77, магистрын 39 дэх удаагийн төгсөлт 2017 оны 1 дүгээр сарын 19, 20-ны өдрүүдэд болж байна. Энэ удаагийн төгсөлтөөр доктор 9, магистрын 348, бакалаврын 154 мэргэжлээр 1177 үүнээс онцлох дипломтой 25, дипломын зэрэгтэй 59 оюутан төгсөн гарч байна.
Төгсөлтийн ёслолын ажиллагаанд ШУТИС-ийн Удирдах зөвлөлийн дарга Н.Бэгз, Ректор Б.Очирбат, проректор Х.Энхжаргал, Ч.Баасандаш, Д.Батчулуун, П.Жаргалтуяа, Захиргаа, мониторингийн газрын дарга Л.Пүрэв, Ахисан түвшний хөтөлбөрийн албаны дарга Т.Энхцацрал болон бүрэлдэхүүн сургуулийн захирал, салбарын эрхлэгч, профессор багш төгсөгч оюутан залуучууд оролцлоо. Төгсөлтийн ёслолын ажиллагааг нээж Ректор Б.Очирбат, ШУТИС-ийн Удирдах зөвлөлийн дарга Н.Бэгз нар төгсөгч оюутнуудад хандан үг хэллээ. Мөн Монгол Улсын Ардын багш, шинжлэх ухааны доктор, профессор Ж.Лхамсүрэн багш төгсөгч оюутнуудад сургааль үгээ хайрлав.
Төгсөгчдөд доктор, магистрын диплом олгох Ректорын тушаалыг Ахисан түвшний хөтөлбөрийн албаны дарга Т.Энхцацрал, бакалаврын диплом олгох Ректорын тушаалыг Сургалтын бодлого, чанарын албаны дарга Д.Ганхуяг уншиж танилцуулав. Мөн шилдэг төгсөгч нарт өргөмжлөл гардуулан доктор, магистр, бакалаврын онцлох дипломтой төгсөгчдөд дипломыг нь хүндэтгэлтэйгээр гардуулан өглөө. Төгсөгчдийг төлөөлөн шилдэг төгсөгч О.Тэмүүлэн эрдэмтэн багш, профессоруудад хандан баяр, талархлын үгээ хэллээ.
Ёслолын ажиллагааны төгсгөлд төгсөгч оюутнууд тангараг өргөж ёслолын ажиллагаа амжилттай өндөрлөлөө.
Нийт төгсөгчдөдөө баярын мэнд хүргэж цаашдын ажилд нь амжилт, амьдралд нь сайн сайхан бүхнийг хүсэн ерөөе.
ШУТИС-ийн Англи хэлний 32 дугаар олимпиад амжилттай зохион байгуулагдлаа
Эдийн засгийн шинжлэх ухааны доктор (Sc.D), профессор, Монгол улсын гавьяат эдийн засагч Хонгорууд овогт Гомбодоржийн БАТХҮРЭЛ-ийн нэрэмжит эрдэм шинжилгээний бага хурал амжилттай зохион байгуулагдлаа
ШУТИС, Монголын бурхан шашны их сургууль соёлын өвийн судалгаа, дижитал технологийн чиглэлээр хамтран ажиллана
ЕБС-ийн сурагчдад зориулсан "Шинжлэх ухаан бол зугаатай!" – Германы сэтгүүлч, шоу нэвтрүүлэгч Йоахим Хекерын сонирхолтой туршилт, уулзалт ШУТИС-д боллоо
Бүгд найрамдах Энэтхэг улсаас Монгол Улсад суугаа Элчин сайд ШУТИС-д айлчилж, тус улсын үндэсний соёлын тоглолт зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
