Австри Улсын Вена хотноо Европ Ази номхон далайн улсуудын их дээд сургуулиудын сүлжээ EURASIA-PACIFIC UNINET-ийн тавдугаар нэгдсэн хуралдаан 2015 оны 9 дүгээр сарын 16-20-ны өдрүүдэд боллоо. Энэ жил EURASIA-PACIFIC UNINET-ийн 15 жилийн ой тохиож байна. Хуралд Австри, ОХУ, БНХАУ, Узбекистан, Бутан, Непал, Пакистан зэрэг гишүүн орнуудын төлөөлөгчид, Монголоос ШУТИС, МУИС, ХААИС, ШУА, СУИС, ЭМШУИС-ийн удирдлагууд оролцлоо. Хурлын үеэр Австри, Монгол эрдэмтдийг эгнээндээ багтаасан олон улсын төслүүд, тэдгээрийн үр дүнгийн талаар хэрэгжүүлж буй байгууллагууд нь танилцуулсан юм. ШУТИС-ийн ректор профессор Б.Очирбат баяр хүргэж үг хэлэхдээ EURASIA-PACIFIC UNINET их сургуулиудын сүлжээ нь боловсрол, шинжлэх ухаан, соёлын хүрээнд хамтарч ажиллах зорилгоо амжилттай биелүүлж байгааг дурдаад хурлын үйл ажиллагаанд амжилт хүссэн юм. Дашрамд дурдахад EURASIA-PACIFIC UNINET төслөөр 2003-2015 онд 600 мянга гаруй евроны тэтгэлэгт нийт 200 гаруй судлаач багш нар Монголын ИДС-аас хамрагдаад байна.
ШУТИС-ийн профессор Д.Буянтогтох Монгол Улсын “Гавьяат багш” цолоор шагнагдлаа
ШУТИС-ийн профессор Х.Жаргалсайхан Хөдөлмөрийн гавьяаны Улаан тугийн одонгоор шагнагдлаа
ШУТИС-ийн ахмад багш, доктор, профессор Ш.Чадраабал “Шинжлэх ухааны гавьяат зүтгэлтэн” цолоор шагнагдлаа
ШУТИС-ийн проректор В.Өлзийбаяр нарын бүтээл Монгол Улсын Төрийн шагнал хүртлээ
ШУТИС Зоонозын өвчин судлалын үндэсний төвтэй хамтран ажиллана
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
