Солонгосчууд Монголд нано технологи хөгжүүлнэ
XXI зууны шинжлэх ухаан, технологийн дэвшлийг Солонгосын эрдэмтэд Монголд нэвтрүүлэх гэж байна. Тиймээс тус улсын Чонбукийн Үндэсний их сургуулийн доктор профессор Нам Кээ Сүк, Лээ Воун Сик нар өнгөрсөн долоо хоногт ШУТИС-ийн багш нарт номын дуу сонсгов. Энэ үеэр доктор профессор Нам Кээ Сүк "Солонгос улс газар нутаг багатай, байгалийн баялаггүй орон. Гэсэн ч бид оюун ухаанаа дайчлан өнөөдрийн хөгжилд хүрсэн. Ялангуяа, техник технологийнхоо хөгжлөөр дэлхийд тэргүүлэх хэмжээнд хүрлээ. Харин Монгол орны хувьд өөр. Байгалийн баялаг ихтэй, мал аж ахуйн орон ч техник технологи хөгжөөгүй. Хэрэв техник технологииг хөгжүүлж малынхаа түүхий эд, ашигт малтмалаас нано бүтээгдэхүүн гаргаж авах томоохон үйлдвэрлэл явуулах бүрэн боломжтой" хэмээн онцолсон байна. Энэ тал дээр хоёр улсын эрдэмтэд хамтран ажиллахаар болжээ. Олон оны турш яригдсан нано технологи ийнхүү бодитоор хэрэгжих бололтой.
Политехник коллежийн оюутнуудын бүтээл сургуулийн орчинд бодитоор хэрэгжлээ
Эко боловсролын аян 2026
НҮБ-ын хүний эрхийн дээд комиссарын хүндэтгэлийн лекцэд ШУТИС-ийн төлөөлөл оролцлоо
“Мэргэжлийн болон техникийн боловсролын хөгжил, өөрчлөлт, шинэчлэл” олон улсын эрдэм шинжилгээний хурал боллоо
Компьютерын сүлжээний улсын XIV олимпиад, эрдэм шинжилгээний хурал амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
