Дэлхийн 90 орчим улсад 200 гаруй салбар нэгжтэй Японы тэргүүлэх зэргийн худалдааны компани болох Мицубиши корпараци нь 4 дэх жилдээ бакалавр, магистр, доктор оюутны сургалтын төлбөрийн тэтгэлэгийг олгох гэж байна. Энэхүү тэтгэлэгийн зорилго ньМонгол улсын нийгмийн хөгжилд хувь нэмрээ оруулах, ирээдүйтэй шилдэг оюутнуудыг дэмжихэд оршино.
Ерөнхий зарчим:
- Нийт 15 оюутанд /бакалавр-10, магистрант, докторант-5/ тэтгэлэг олгох бөгөөд тэтгэлэгийн хэмжээ оюутан тус бүрд 520,000 төгрөг байна.
- Материал илгээж буй оюутан бүр өгөгдсөн сэдвийн дагуу эссэ бичнэ.
- Эхний шатны шалгаруулалтыг ШУТИС дээр явагдах бөгөөд оюутны бүрдүүлсэн материал, тавигдах шаардлага, эссэг харгалзан шалгаруулна.
- Эцсийн шалгаруулалтыг Мицубиши корпарацийн Монгол дахь албан ёсны төлөөлөгчийн газраас хийх бөгөөд оюутны бүрдүүлсэн материал болон эссэг харгалзан шалгаруулна.
Тавигдах шаардлага:
- ШУТИС-д амжилттай суралцаж буй бакалавр, магистр, доктор оюутан байх
- Бакалаврын оюутны хувьд 2,3,4-р курст суралцдаг байх
- Сургалтын үнэлгээний голч 3,2-оос дээш байх
- Сургалтын төлбөрийн хувьд санхүүгийн дэмжлэг авах шаардлагатай байх
- Эрдэм шинжилгээний хурал, урлаг спортын арга хэмжээнд идэвхитэй,амжилттай оролцдог байх
Бүрдүүлэх материал:
- Тэтгэлэгт хөтөлбөрт хамрагдах хүсэлт, эссэ /ШУТИС-ын цахим хаягаас татаж авах/
- Иргэний үнэмлэхний хуулбар
- Сургуулийн болон дүнгийн албан ёсны тодорхойлолт /нийт суралцсан хугацааны голчыг улирал түс бүрээр гарган дэд захиралаар баталгаажуулах/
- Хорооны тодорхойлолт / гэр бүлийн гишүүдийн тоо, өрхийн орлогын тухай мэдээлэлийг багтаана/ Жич: Орон нутгийн оюутнууд тодорхойлолт авахад хүндрэлтэй бол Гадаад харилцааны албанд мэдэгдэх
- Багшийн тодорхойлолт- Оюутны талаар холбогдох саобар, тэнхимийн эрхлэгч, профессор, зөвлөх багшийн аль нэгнээс тодорхойлолт авах
- Гэрчилгээ, сертификат, өргөмжлөлийн хуулбар /нотариатаар баталгаажуулах шаардлагагүй/
Материалыг 2014 оны 09 сарын 24-ний өдрөөс 10-р сарын 24-ний өдрийг дуустал ШУТИС-ийн Төв байрны 2 давхарт 218 тоотод /Гадаад харилцааны алба/ хүлээн авна. Лавлах зүйл байвал 329081 утсаар холбогдоно уу.
Жич: Хугацаа хоцорсон болон дутуу материалыг хүлээн авах боломжгүйг анхаарна уу.
