Монгол, Япон улсын хамтын ажиллагааны хүрээнд 1998 оны 10 дугаар сарын 19-ний өдөр Япон улсын Тоёота Корпораци, Техникийн их сургуультай хамтран ажиллах гэрээ байгуулсан.
“Тоёота-Мотор корпораци”-аас ШУТИС-д хандивласан хөрөнгөөр “ТОЁОТО-ШУТИС” Сургалтын санг үүсгэн байгуулсан бөгөөд сурлага, сахилга батаар тэргүүний, амьдралын боломж муутай, төлбөрийн чадамжгүй оюутнуудыг сурч боловсрох боломжоор нь хангахад гол зорилго оршидог.
Тавигдах шаардлага:
- 4 улирал дараалан амжилттай суралцаж буй бакалавр түвшний оюутан байх;
- Амьжиргааны баталгаажих түвшингээс доогуур орлоготой, cургалтын төлбөрийн хувьд санхүүгийн дэмжлэг шаарлагатай оюутан байх;
- Онцгой авьяастай, техник сэтгэлгээтэй, эрдэм шинжилгээний хурал, урлаг спортын арга хэмжээнд идэвхитэй оролцдог бол давуу тал болно.
Тэтгэлэг олгоход баримтлах зvйл:
- Бакалаврын шатны сургалтын өдрийн ангийн оюутнууд хамрагдах эрхтэй.
- Тэтгэлэг авах болзол хангасан оюутнуудыг хичээлийн жилийн эхэнд сонгон шалгаруулалт хийж тодорхойлно.
- Өмнөх хичээлийн жилийн үзүүлэлтээр тэтгэлэгт хамрагдана.
Бүрдүүлэх материал:
- Анкет бөглөсөн байх; Анкет татаж авах
- Сургалтын төлбөрийн хэлбэрийг тодорхойлсон Сургалтын албаны тодорхойлолт;
- Уралдаан тэмцээн, шагнал, урамшуулал, батламжийн хуулбарыг нотариатаар баталгаажуулсан байх;
- Эрдэм шинжилгээний илтгэл, бүтээлийн жагсаалт;
- Тэтгэлэгт хөтөлбөрт хамрагдах хүсэлт, эссэ;
- Иргэний үнэмлэхний хуулбар /нотариатаар баталгаажуулах шаардлагагүй/;
- Сургуулийн болон дүнгийн албан ёсны тодорхойлолт;
- Хорооны тодорхойлолт /гэр бүлийн гишүүдийн тоо, өрхийн орлогын тухай мэдээллийг багтаасан байх/;
Материалыг 2013 оны 10-р сарын 25-ны өдрийн 17:00 цаг хүртэл ШУТИС-ийн Оюутны хөгжил, үйлчилгээний алба /ШУТИС-ийн төв байрны 3 давхарт 327 тоот/-д хүлээн авна. Лавлах зүйл байвал 315561 утaс болон studentservice@must.edu.mn холбогдоно уу.
