ХБНГУ-ын Монгол дахь Гёте- Институтын төлөөлөгчийн газрын захирал ноён Себастиан Войч ШУТИС-ийн МС-д зочилж цаашдын хамтын ажиллагааны талаар хэлэлцлээ. Тус байгууллагаас МС-ийн Германы инженерийн бэлтгэл ангийн оюутнууд болон уг ангид хичээл ордог багш нар хэрэгцээнд герман хэл дээр нийт 8660 ам. долларын үнэ бүхий математик, физик, хими, механикийн 160 номыг хандивласан юм.
ГИБ ангид бүх ерєнхий эрдмийн хичээлүүдийн сургалтыг герман хэлээр явуулж байна. МС-ийн захирал Д.Буянтогтох ноён Войчийг хүлээн авч, ШУТИС-ийн төв номын сан дахь герман номуудаа танилцууллаа.
Дашрамд дурдахад ХБНГУ-ын Монгол дахь Гёте- Институтын төлөөлөгчийн газар герман монголын ард түмний цаашдын соёлын харилцаа холбоо, хөгжлийг улам гүнзгийрүүлэхэд том хувь нэмэртэй байгууллага юм. ШУТИС-ийн герман хэлний багш нарын бүх зардлыг даан 3 жил тутам 1 удаа 1 сараар Германд мэргэжлийг нь дээшлүүлж ирсэн билээ. Гёте- Институтээс мөн ШУТИС-ийн ҮТДС-д 12000 ам. долларын дизайны чиглэлийн номууд хандивласныг дурдахад таатай байна.
ТГ
“Монгол-Хятадын инновац, хөгжлийн форум 2026” амжилттай зохион байгуулагдлаа
ШУТИС-ийн багш, ажилтнуудад төрийн дээд одон, медаль гардууллаа
ШУТИС-ийн профессор Д.Буянтогтох Монгол Улсын “Гавьяат багш” цолоор шагнагдлаа
ШУТИС-ийн профессор Х.Жаргалсайхан Хөдөлмөрийн гавьяаны Улаан тугийн одонгоор шагнагдлаа
ШУТИС-ийн ахмад багш, доктор, профессор Ш.Чадраабал “Шинжлэх ухааны гавьяат зүтгэлтэн” цолоор шагнагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
