ШИНЖЛЭХ УХААН, ТЕХНОЛОГИЙН ИХ СУРГУУЛЬ

Багш, ажилчдын 180 айлын хотхоны барилгын явцын мэдээлэл

Сайн байцгаана уу, сайхан амарцгаасан уу? Та бүхэнд хичээлийн шинэ жилийн баярын мэнд хүргэе.

180 айлын хотхоны барилгын ажил зуны 3 сар бороо хур ихтэй байсан ч хэвийн явагдаж ирлээ. Одоогийн байдлаар Химон констракш ХХК-ий барьж буй 1, 3-р барилгын гадна угсралтын ажил дууссан мөн дээврийн гүйцэтгэл дуусаж(1-р байр буюу 2С блок бүрэн дууссан) одоо 3-р байрны дээврийг төмөрлөх ажиллагаа явагдаж байна.

Нёмон ХХК-ний барьж буй 2-р барилгын гадна угсралтын ажил 5-р давхрын гүйцэтгэл дуусаж хучилтын хавтан тавих ажиллагаа явагдаж байна.

2013 оны 8-н сарын 26-нд очсон Голомт банкны болон 8-н сарын 28-нд Улаанбаатар банкны экспертүүдийн дүгнэлтээр 1, 3-р барилгын ажлын гүйцэтгэл 80 хувь давсан(85%), 2-р барилгын ажлын гүйцэтгэл 70 хувь байна үзлээ.

Иймд банкны судалгаандаа орж зээлийн хурлаар шийдвэр нь гарсан багш нар банкны зээлээ авч ШУТИС ба барилгын компаниудын хооронд хийсэн гэрээний дагуу дараагийн санхүүжилтээ хийх шаардлагатай боллоо.

Зураг №1. ШУТИС 180 хотхоны барилгын явцад Голомт банкнаас хийсэн экспертийн ажиллагаа (2013 оны 8 сарын 26)

Зүүн гар талаас

Химон констракш ХХК-ийн захирал Энхтөр
Голомт банкны ШУТИС тооцооны төвийн захирал Наранцэцэг
Барилга угсралтын хяналтын инженер Минжбадгар
Гадна инженер, сантехникийн хяналтын инженер Цогтбаатар
Голомт банкны барилгын эксперт Баадгай
Голомт банкны байгууллагын банкны менежер Дагиймаа
ШУТИС-ийн ашиглалтын өмнөх захиргааны дарга Долгорсүрэн

Зураг №2. ШУТИС 180 хотхоны барилгын явцад Улаанбаатар банкнаас хийсэн экспертийн ажиллагаа (2013 оны 8 сарын 28)

Зүүн гар талаас

Улаанбаатар банкны Байгууллагын банкны захирал Энхбаяр
Улаанбаатар банкны Иргэдийн банкны захирал Болдбаатар

ШУТИС 180 хотхоны барилгын явцад гарч байгаа хүндрэлүүд

Голомт банкны хувьд дуусаагүй буюу гэрчилгээ нь гараагүй барилга учраас батлан даалтын гэрээ хийнэ. Энэ гэрээгээр урьдчилгаа 15%, ШУТИС-ийн дансны үлдэгдэл(ойролцоогоор 8 тэрбум) төгрөгийг барьцаалах буюу царцаана.(мөнгөний дүн 8 тэрбум үлдэгдлээс доошоо орж болохгүй)
Улаанбаатар банкны хувьд урьдчилгааг 30% болгоод сургуулиудын(МИС, МХТС, ҮТДС, КТМС) дансны үлдэгдлийг барьцаалахгүй гэсэн гэрээ хийсэн байна.
ШУТИС-ийн захиргааны зүгээс ШУТИС-ийн дансыг барьцаалах асуудал байж болохгүй гэдэг шаардлагыг дээрх 2 банкинд тавьсан боловч Голомт банк барьцаа нэхсэн хэвээр, Улаанбаатар банк бидний урьдчилгааг нэмж бидэнд ашиггүй(багш нар дахин 15% өгөх ямар ч шаардлагагүй) гэрээ хийжээ.
Дараагийн санхүүжилтийн асуудлуудыг шийдвэрлүүлэхээр ШУТИС-ийн удирдлага ба банкны удирдлагуудтай 2 ч удаа хурал зарлан уулзалт хийгээд байна.
Нёмон ХХК-ний хувьд хөрөнгө мөнгөний хувьд асуудалтай, 65 хувийн санхүүжилтээ даахгүй байдалд байгаач барилгаа хугацаанд нь ашиглалтанд оруулах зорилгоор санхүүжилтээ ирэх 7 хоногоос шийдвэрлэн(зээл авах) гэсэн төлөвлөгөөтэй явна.
Гадна инженерийн байгууламжийн гүйцэтгэл 70 хувьтай, хөрөнгө мөнгөний асуудлыг дотоод нөөц бололцоогоо ашиглан санхүүжүүлж байна.
Гадна дулаан 10 сарын 1-нд авах(зөвшөөрлийн ба 3 сарын урьдчилсан дулааны мөнгө) мөн Ус суваг усжуулалтын газраас ус шахуулах, насос шалгах зэргээр бусад зардлууд гарч байна.

Дээрх асуудлуудыг шийдвэрлэх талаар бүх нөөц бололцоогоо ашиглан хөөцөлдөж байгаа. Хамт олныхоо төлөө явж байгаа энэ их бүтээн байгуулалтын ажил өөдрөг бүтэмжтэй болно гэдэгт итгэлтэй байна.

Ашиглалтын өмнөх захиргаа