Японы мэргэжлийн Сүмогийн Озеки Какүрю М.Ананд өөрийн төрөлх сургууль болох ШУТИС-д өчигдөр зочиллоо. Түүнийг ШУТИС-ийн ректор Т.Батбаяр, проректор, газар, албадын дарга нар болон эрдэмтэн багш, оюутнууд хүлээн авч уулзлаа.
Озеки Какүрю М.Ананд ШУТИС-ийн лицей сургуулийн төгсөгч юм. Тус айлчиллаар боловсролын салбарт зарим японы их, дээд сургуулиудтай хамтран ажиллах, лаборатори сургалтын тоног төхөөрөмж шинэчлэх, өндөр технологийг ШУТИС-д нэвтрүүлэх тухай санал солилцлоо.
Озеки Какүрю М.Ананд “ШУТИС-ийг төгсөөд өөрийнхөө сонирхолоор японы мэргэжлийн сүмод хүч үзээд 12 жил боллоо. Одоогоор мэргэжлийн Сүмогийн дээд зиндаанд Озеки цолтой барилдаж байна. Олон жилийн дараа өөрийн сургуульдаа ирэхэд сайхан байна. Миний суралцаж байснаас сургууль их өөрчлөгдөж эрчимтэй хөгжсөн байна. Японд байхдаа ч сургуулийнхаа тухай интернэт болон бусад мэдээллийн хэрэгслээр мэдээлэл авч байлаа. 2008 оноос Японы их сургуульд хэлний чиглэлээр суралцаж байна. Үүнийхээ хажуугаар өөрийн төрөлх сургуулиа Японы зарим сургуулиудтай холбож ажиллах, багш оюутны солилцоо, хамтарсан судалгаа, эрдэм шинжилгээний ажил хийхэд туслах бодолтой байна. Мөн хамтарсан лаборатори, зарим сургалтын тоног төхөөрөмжийн шинэчлэлийн ажил хийх зорилготой. Япон Монголын хамтын ажиллагааг өргөжүүлэхийн төлөө улам их хичээж ажиллах болно.” гэдгээ хэллээ.
НТА
“Олон улсын шинжлэх ухааны мэдээллийн сангийн ашиглалт, түүний санхүүжилт, үр нөлөөг нэмэгдүүлэх арга зам” сэдэвт хэлэлцүүлэг зохион байгуулагдлаа
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
