ШУТИС-ийн Эрчим хүчний инженерийн сургууль 2013 оны дөрөвдүгээр сарын 12-ны өдөр “Цахилгаан техникийн үндэс”, “Хөргөлтийн технологи ба кондиционерийн систем”, “Технологийн процессын хэмжил, хяналт, автоматжуулалт”, “ДЦС-ын түлш, ус шинжилгээний” лабораториудыг шинэчлэн сайжруулж нээлтийн ёслол хийлээ. Нээлтийн ажиллагаанд ШУТИС-ийн ректор Т.Батбаяр, ЭХИС-ийн захирал Ч.Мангалжалав болон тус сургуулийн эрдэмтэн багш нар оролцлоо.
“Цахилгаан техникийн үндэс” лаборатори нь орчин үеийн тоон осциллограф, тоон амперметр, вольтметр зэрэг хэмжих багажийг ашиглан олон талт ажиллагаатай туршилтын самбар дээр угсран гүйцэтгэх боломжтой ажээ. Мөн энэ лабораторийн ажлыг өөрчлөх, шинээр ажил тавихад нэн тохиромжтой 10 гаруй лабораторийн шинэлэг ажлыг хийж болох юм.
“Хөргөлтийн тенологи ба кондиционерийн систем” лаборатори нь бакалавр, магистр, докторын түвшний сургалтыг орчин үеийн дэвшилтэт техник технологи, програм хангамж ашиглан явуулах бололцоотой болжээ. Түүнчлэн дотоодын болон олон улсын хөдөлмөрийн зах зээлд үнэлэгдэх чухал ач холбогдолтой хэмээн тус багийнхан үзэж байна.
“Технологийн процессын хэмжил, хяналт, автоматжуулалт” лаборатори бакалавр, магистр, докторын түвшний сургалт, эрдэм шинжилгээ судалгааны ажлыг орчин үеийн програм хангамж бүхий туршилтин стенд, өндөр нарийвчлалтай хэмжих хэрэгслүүд ашиглан (Thermal imager, Multifunction instrument) олон улсын түвшинд сургалт явуулахад чухал үүрэг гүйцэтгэнэ.
“ДЦС-ын түлш, ус шинжилгээний” лабораторийг шинэ техник технологи, програм хангамж дээр суурилсан багаж, тоног төхөөрөмжөөр шинэчилжээ. Ингэснээр Бакалавр, магистр, доктор оюутан, эрдэм шинжилгээний ажилтан, мэргэжлийн сургалтад суралцагсад спектрийн болон бусад шинжилгээний аргуудад суралцаж мэргэжлийн ур чадвараа дээшлүүлэх бүрэн боломжтой болжээ.
НТА
“Эрдэнэс Монгол” ХХК ШУТИС-тай хамтын ажиллагааны санамж бичиг байгууллаа
Энэтхэгийн техник, эдийн засгийн хамтын ажиллагааны хөтөлбөр (itec)-өөр “Газрын тос боловсруулах үйлдвэр”-ийн чиглэлээр 21 хоногийн сургалтад амжилттай хамрагдлаа
Монгол Улсын Ерөнхийлөгчийн зарлигаар ШУТИС-ийн багш, ажилтнууд шагнагдаж, шагналыг БШУ-ны сайд гардууллаа
Монгол Улсын Ерөнхийлөгчийн зарлигаар ШУТИС-ийн багш, ажилтнууд төрийн дээд шагналаар шагнагдлаа
2026 оны “Хятад хэлний гүүр” Дэлхийн их, дээд сургуулийн оюутнуудын хятад хэлний олимпиад --- Монголын бүсийн тэмцээн амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
