БНСУ-ын Олон Улсын Хамтын Ажиллагааны Байгууллага КОЙКА-аас Монгол Улсад үзүүлэх буцалтгүй тусламжийн хүрээнд “Их дээд сургуулиудын хамтын ажиллагааны хөтөлбөр (University Partnership Program)”-ийг хөгжүүлж байгаа. Энэ хөтөлбөрийн хүрээнд БНСУ-ын Дангүг Их Сургуулиас ШУТИС-ийн МХТСургууль дээр “Мobile ICT” сургалтын төвийг байгуулаа.
Тус төвийн үйл ажиллагааны зорилго нь мобайл ICT салбарын хөгжлийн төлөө Солонгос-Монголын хамтын ажиллагааны үндэс суурийг тавьж, сургалтын тоног төхөөрөмжөөр хангах, мобайл ICT мэргэжлийн чадварлаг боловсон хүчинг бэлтгэх, их дээд сургууль-судалгааны байгууллагын чадамжийг бэхжүүлэхэд оршино.
Төслийн үргэлжлэх хугацаа 2 жил бөгөөд энэ хугацаанд Дангүг Их Сургуулийн сургагч багш нар Андройд болон Аpple(iOS)-ийн систем бүхий мобайл төхөөрөмжүүдийн систем, апликэйшн хөгжүүлэх мэргэжлийн түвшний сургалтыг явуулах ба сургагч багш нарыг бэлтгэнэ. Сургалт дууссанаас хойш ШУТИС нь “Mobile ICT” сургалтын төвийг бие даан удирдан явуулна. Тус төв нь мобайл төхөөрөмжинд зориулсан монгол контентийн эрэлт хэрэгцээ ихээр нэмэгдэж байгаа өнөө үед энэ эрэлтийг хангах, программыг хөгжүүлэх чадварлаг боловсон хүчинг бэлтгэхэд ихээхэн хувь нэмэр оруулах нь гаргцаагүй юм.
Ухаалаг гар утас болоод бусад мобайл төхөөрөмжийн хэрэглээ дэлхий даяар ихээр өсч байгаа өнөө үед монгол залуучуудийн хөгжүүлсэн монгол контентийг дэлхийн зах зээл дээр гарч улмаар сая сая хэрэглэгчдийн өдөр тутмын хэрэглээ болох өдөр ойрхон байна.
“Эрдэнэс Монгол” ХХК ШУТИС-тай хамтын ажиллагааны санамж бичиг байгууллаа
Энэтхэгийн техник, эдийн засгийн хамтын ажиллагааны хөтөлбөр (itec)-өөр “Газрын тос боловсруулах үйлдвэр”-ийн чиглэлээр 21 хоногийн сургалтад амжилттай хамрагдлаа
Монгол Улсын Ерөнхийлөгчийн зарлигаар ШУТИС-ийн багш, ажилтнууд шагнагдаж, шагналыг БШУ-ны сайд гардууллаа
Монгол Улсын Ерөнхийлөгчийн зарлигаар ШУТИС-ийн багш, ажилтнууд төрийн дээд шагналаар шагнагдлаа
2026 оны “Хятад хэлний гүүр” Дэлхийн их, дээд сургуулийн оюутнуудын хятад хэлний олимпиад --- Монголын бүсийн тэмцээн амжилттай зохион байгуулагдлаа
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
