Монгол улсын шинжлэх ухаан, эрүүл мэнд, төр нийгмийн нэрт зүтгэлтэн, Монгол улсын гавъяат багш, Профессор Г.Жамбын нэрэмжит “Микробиологи-Иммунологийн улсын 3-р олимпиад”-ыг микробиологи, иммунологийн хичээлийн сургалтын хөтөлбөртэй их, дээд сургуулийн дунд ЭМШУИС-аас амжилттай зохион байгуулсан.
Тус олимпиадад Био-Анагаахын Сургууль, МУИС-ийн Биологи Биотехнологийн Сургууль, ШУТИС-ийн Хүнсний Инженер, Биотехнологийн Сургууль, ХААИС-ийн Мал Эмнэлэг Биотехнологийн Сургууль, Этүгэн Дээд Сургуулийн нийт 162 оюутан оролцсон. Олимпиад нь хувийн болон багийн төрлөөр зохион байгуулагдсан.
Тус олимпиад нь 2012 оны 11-р сарын 10-ний өдөр ЭМШУИС-ийн төв байранд амжилттай болж өнгөрлөө. Манай сургуулийн биотехнологи, микробиологийн чиглэлээр суралцдаг 3, 4-р курсийн нийт 12 оюутан хувийн болон багийнтөрлөөр оролцлоо. Хувийн амжилтаар Хүнсний микробиологийн 3-р курсын оюутан Э. Гүнжилмаа 35-т жагссан бол багийн төрлөөр нийт 9 баг оролцсоноос 4-р байранд орлоо.
Тус олимпиадад багийн дасгалжуулагч багшаар ажилласан доктор Г.Төрмөнх, зөвлөгөө өгсөн доктор Ц.Энхтуул нарт нийт хамт олныхоо өмнөөс талархал илэрхийлж, цаашид оюутнуудад нь улам их амжилт гаргахыг хүсэн ерөөе.
БИОТЕХНОЛОГИЙН ПРОФЕССОРЫН БАГ
Япон улсын Үцүномияа их сургуулийн дэд профессор Футоши Ишигүри ШУТИС-ийн хүндэт профессор цол хүртлээ
ШУТИС-д "Суралцагч төвт сургалт" (LCL 2026) олон улсын семинарыг амжилттай зохион байгууллаа
БНСУ-ын Чусон их сургуультай хамтарсан хөтөлбөр, оюутан солилцооны чиглэлээр хамтран ажиллах гэрээ байгууллаа
Япон улсын Кюүшү их сургуулийн төлөөлөгчид ШУТИС-д айлчлав
Монголд анх удаа зүтгүүрийн жолоодлогын сургалтын цогц төхөөрөмжийг “Мози Воркшоп”-төслийн хүрээнд нэвтрүүлж байна
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
