“Оновчлол, симуляци, оновчтой удирдлага” сэдэвт олон улсын эрдэм шинжилгээний хурал 2022 оны 6 сарын 20-22 ны өдрүүдэд Монгол улсад 7 дах удаагаа зохиогдоно (https://www.icosc2022.org/).
Энэ хуралд Америк, Канад, Австри, Хятад, Франц, ОХУ, Колумб зэрэг орнуудын тэргүүлэх их сургуулиудын профессорууд оновчлолын онол, хэрэглээний математикийн орчин үеийн чиглэлүүдээр гол илтгэлүүдийг тавьж оролцохоор уригдаад байна. Хурал зөвхөн оновчлол төдийгүй тооцон бодох, симмуляци, хэрэглээний математикийн эдийн засгийн болон бусад салбарууд дахь чиглэлүүдийг мөн хамарна.
Оновчлолын энэхүү хурлыг 2002-2019 онуудад Улаанбаатар хотод зохион байгуулж ирсэн бөгөөд уг хуралд гадаадын 17-25 орны 250 гаруй, дотоодын 300 орчим төлөөлөгчид оролцож, хурлын үр дүнгээр гарсан бүтээлүүд нь Worldscientific, Springer, Taylоr-Francis хэвлэлийн газруудад тус тус хэвлэгдэн гарч нийтийн хүртээл болсон төдийгүй шалгарсан илтгэлүүд WoS индекстэй “Optimization Letters”, “Optimization” “Global Optimization” зэрэг сэтгүүлүүдийн тусгай дугаарт хэвлэгдэж байсан юм.
Энэ удаагийн хуралд тавигдаж шалгарсан илтгэлүүдийг Springer-ийн тусгай дугаарт “Optimization, Simulation and Control” нэртэйгээр ном болгон хэвлүүлэхээр төлөвлөсөн болно.
Эрдэмтэн судлаачид та бүхэн энэхүү хуралд илтгэл тавин өргөнөөр оролцоно уу. Доорх хаягаар орж бүртгүүлнэ үү. https://www.icosc2022.org/
Эрдэм мэдлэг түгэн дэлгэрэх болтугай.
Зохион байгуулагчид
Шилдэг цахим хичээл, контент шалгаруулах олон улсын уралдаанд оролцохыг урьж байна
ШУТИС-ийн шилдэг, тэргүүний төгсөгч шалгаруулалт
“LCL2024 -Суралцагч Төвтэй Сургалт” олон улсын хурал 2024 оны 8 сарын 12-13 нд Тайландын Бангкок хотноо зохион байгуулагдана.
Япон улсын их, дээд сургуульд магистрын хөтөлбөрт суралцах сонирхолтой ШУТИС, Коосен сургуулиудыг үндсэн багш, ажилтан, судлаачдад
Ази судлалын олон улсын эрдэм шинжилгээний хурал (ICAS 2024)
© 2005-2020 Монгол Улсын Шинжлэх Ухаан Технологийн Их Сургууль, Мэдээллийн технологийн төв
