"Монголын инновацын 7 хоног" арга хэмжээ 3 дахь өдрөө амжилттай үргэлжилж байна

2 дахь өдөр "Монголын инновацийн 7 хоног-2022" арга хэмжээний албан ёсны нээлт боллоо. 

ШУТИС нь  "Инновацын түншлэл-2022" хурлаа амжилттай зохион байгуулж төр-хувийн хэвшил- судалгааны байгууллагын хамтын ажиллагааны хэлэлцүүлэг өрнүүлж, хамтын ажиллагааны 2 гэрээг байгуулав. Мөн түүнчлэн Төрийн өмчийн 6 их сургуулийн оюутны инновацын шилдэг бүтээл шалгаруулах арга хэмжээнд 20 баг оролцсоноос ШУТИС-ийн оюутны багууд амжилттай оролцож 1,2,3 дугаар байрын эзэд болж шагнагдав. Түншлэлийн хурлын голлох зохион байгуулагчаар ажилласан БуХС-Бизнесийн удирдлага,  Технологийн менежментийн салбарын хамт олон болон оюутнуудаа удирдан ажилласан багш нартаа талархал илэрхийлье ! 

Арга хэмжээний 3 дахь өдөр буюу 5 сарын 18-нд  дараахи арга хэмжээнүүд зохион байгуулагдана. Үүнд: 

  • "ISO 56000 Инновацын менежментийн тогтолцоо - олон улсын стандарт болон ШУТИС-ийн инновац судлал" семинар (ШУТИС-ийн 8 дугаар байр 12 давхарт 9 цагаас эхлэнэ)
  • "ХҮН СУДЛАЛ, ХҮНИЙ ХӨГЖЛИЙН ШИНЭ ЧИГ ХАНДЛАГА" бага хурал  ( (ШУТИС -ийн 8 дугаар байр 12 давхарт 14 цагаас эхлэнэ. Цахимаар оролцох бол Zoom ID: 870 0039 8071  Нууц үг: 145728 )
  • Инновацын бүтээлийн үзэсгэлэн (Сүүлийн өдөр)
  • Залуу судлаачдын Best paper awards -2022 хурал (IT park -211 танхим - Англи хэл дээр)
  • "Эрдэм хакатон" судлаачдын старт-ап арга хэмжээ (цахим)

ШУТИС нь "ШУТИС-2030" стратегийнхаа тэргүүлэх чиглэл-2,3 (Судалгааны төгөлдөршил -Инноваци, технологи арилжаалалт)-ийн хүрээнд дээрх арга хэмжээнүүдийг зохион байгуулж мөн оролцож байна. 

Иймд их сургуулийн бодлого зорилтыг анхан шатанд хэрэгжүүлэгч салбарын эрхлэгчид тус арга хэмжээнүүдэд оролцохоос гадна, сонирхосон багш судлаачдыг мэдээллээр хангаж ажиллахыг хүсье !