ШУТИС байгуулагдсны 60 жилийн ойн нэрэмжит төгсөгчдийн дундах сагсан бөмбөгийн 3х3 тэмцээний удирдамж


9-р сар. 12, 2019, 5:41 a.m.

ШУТИС байгуулагдсны  60 жилийн ойн нэрэмжит төгсөгчдийн дундах сагсан бөмбөгийн 3х3 тэмцээний удирдамж

2019-09-11

Нэг. Тэмцээний  зорилго

ШУТИС-ийг төгссөн төгсөгчдийг  хооронд нь уулзуулах, ажил хэргийн уялдаа холбоог сайжруулах, сургуультайгаа харилцаатай байлгахад оршино.

Хоёр.Тэмцээн зохион байгуулагдах хугацаа

Тэмцээн 2019 оны 09 сарын 21-22-нд ШУТИС-ийн  2-р байрны спорт зааланд  явагдана.

Гурав.Тоглолтын дүрэм журам

Тэмцээнийг Сагсан бөмбөгийн 3х3 дүрмийн дагуу явагдана..

Дөрөв. Багийн бүрэлдхүүн

ШУТИС-ийг 2002 оноос өмнө төгссөн төгсөгчдөөс бүрдсэн эрэгтэй эмэгтэй баг тус бүр 5 хүний бүрэлдэхүүнтэй байна. Жич: 2002 оноос хойшхи төгсөгчдийн тэмцээнийг 11 сард зохион байгуулна.

Тав.  Техникийн зөвөлгөөн

Техникийн зөвөлгөөний хурал 2019 оны 9 сарын 18 -нд 16 цагаас ШУТИС-ийн  эрдмийн зөвлөлийн өрөөнд болно. Техникийн зөвөлгөөнд зөвхөн багийн ахлагч, багаа төлөөлсөн хүмүүс багийн мэдүүлэгтэйгээ оролцоно.

Зургаа. Тэмцээний шүүлт

Тэмцээнийг ШУТИС-ийн БТСТ-ээс зохион байгуулсан шүүгчид дүрмийн дагуу  шүүн явуулна.

Долоо . Шагнал

Тэмцээнд амжилттай оролцож эхний 3 байр эзэлсэн эмэгтэй, эрэгтэй баг тамирчдыг цом, алт, мөнгө, хүрэл медаль, өргөмжлөл, мөнгөн шагналаар шагнаж урамшуулна.

Тэмцээний удирдамж гаргасан БТСТэнхим

Та бүхэнд спортын өндөр амжилт хүсэн ерөөе.