“Чанарын менежментийн тогтолцооны арга хэрэгслүүд ба Үйл явцын сайжруулалт” сэдэвт сургалт, семинар зохион байгуулагдлаа

ШУТИС-д Чанарын менежментийн тогтолцоог нэвтрүүлэх ажлын хүрээнд ажилтнуудын оролцоог нэмэгдүүлэх, мэдлэг ойлголтыг баталгаажуулах зорилгоор дэмжих багийн гишүүдийн дунд сургалт, семинарыг ШУТИС-ийн төв байранд 2019 оны 04 сарын 01-05-ны өдрүүдэд амжилттай зохион байгууллаа. Бид  2018 оны 10 сараас хойш Чанарын менежментийн тогтолцоог байгууллагын хэмжээнд нэвтрүүлэх үйл ажиллагааг төлөвлөж, ажлын хэсгийг удирдах баг, үндсэн баг, дэмжих багт хуваан үе шаттайгаар сургалт, семинарыг зохион байгуулсаар байна.

Сургалтын агуулга:

  • ISO 9001:2015 стандартын тухай товч ойлголт
  • ШУТИС-ийн чанарын бодлого, зорилтыг танилцуулах
  • Чанарын менежментийн тогтолцооны арга хэрэгслүүд
    1. Үйл явцын хандлага
    2. Байнгын сайжруулалтын мөчлөг PDCA
    3. Эрсдэлд суурилсан сэтгэлгээ
  • Үйл явцад сайжруулалтыг багаар хэлэлцэж, хийх даалгавар. Үүнд:
    1. Одоогийн үйл явцын зураглалтай танилцаж, шалгах
    2. Үйл явцыг хэрэгжүүлэх явцад гардаг асуудал, алдагдлыг илрүүлэх
    3. Асуудлын үндсэн учир шалтгааныг шинжлэх
    4. Боломжит шийдэл санал болгох
    5. Ирээдүйд байх ёстой үйл явцыг зураглах

Энэ удаагийн семинарт дэмжих багуудын нийт 124 багш, ажилтан буюу 83%-ийн ирцтэй хамрагдсан байна. Үүнд: захиргааны газар, албадын дарга, ахлах мэргэжилтэн, мэргэжилтэн, ажилтан болон бүрэлдэхүүн сургуулийн дэд захирал, салбар тэнхимийн эрхлэгч, ЭНБД, сургалтын албаны чанар хариуцсан ажилтан, нягтлан бодогч, нярав, байр ашиглалтын менежер, захирлын туслах, эмч, номын санч нарын төлөөллүүд багтлаа.

 

 

 

Зохион байгуулсан

ШУТИС-д Чанарын менежментийн тогтолцоог нэвтрүүлэх ажлын хэсгийн үндсэн баг