ШУТИС-д чанарын менежментийн тогтолцоог хэрэгжүүлэх, үйл ажиллагаанд хяналт шинжилгээ, үнэлгээг тасралтгүй явуулах чиглэлээр үйл ажиллагааг явуулж байна. ШУТИС-ийн захирлын 2018.01.31-ний өдрийн тушаалаар Чанарын хяналт, шинжилгээ, үнэлгээний албыг байгуулж, 2021.04.07-ны өдрийн тушаалаар бүрэлдэхүүн сургуулиудад чанарын менежерүүд томилогдсон. Чанарын менежерүүд нь бүрэлдэхүүн сургуулийн захирлын шууд удирдлагад ажиллах бөгөөд чанарын хяналт шинжилгээ, үнэлгээний чиг үүргийн хүрээнд ЧХШҮАлбатай хамтарч, дэмжин ажиллах юм.
ШУТИС-д чанарын хяналт шинжилгээ, үнэлгээ хийх чиг үүргийг хэрэгжүүлэх хүрээнд зохион байгуулалтын бүтэц нь:
Чанарын хяналт, шинжилгээ, үнэлгээний албаны үндсэн чиг үүрэг:
- Чанарын менежментийн тогтолцооны олон улсын стандарт (ISO 9001:2015 болон ISO 21001:2018)-ыг ШУТИС-ийн хэмжээнд нэвтрүүлэх, хэрэгжүүлэх, мөрдүүлэх, шалгуураар үнэлэх, тасралтгүй сайжруулах
- ШУТИС-ийн стратеги төлөвлөгөө, үр дүнгийн гэрээ, үйл ажиллагааны төлөвлөгөөний боловсруулалт, гүйцэтгэлд хяналт шинжилгээ, үнэлгээ хийх
- Холбогдох хууль эрх зүйн болон стандартын шаардлагын мөрдөлтийг хангуулах
- Дотоод дүрэм, журам, зааврын боловсруулалт болоод хэрэгжилт, сайжруулалтад хяналт шинжилгээ, үнэлгээ хийх
Чанарын менежерийн үндсэн чиг үүрэг:
- ШУТИС-ийн чанарын хяналт шинжилгээ, үнэлгээ хариуцсан нэгжид дэмжин туслах
- Сургалтын хөтөлбөр, эрдэм шинжилгээ судалгааны ажлын дотоод чанарын баталгаажуулалтыг хангах, хянах, дүн шинжилгээ хийх
- Чанарын менежментийн тогтолцоог хэрэгжүүлэх үйл явцыг бүрэлдэхүүн сургуулийн хэмжээнд зохион байгуулж, манлайлах
- Сонирхогч талуудын хамтын ажиллагааг өргөжүүлж, холбогдох мэдээлэл цуглуулах, дүн шинжилгээ хийх, тэдний хэрэгцээ шаардлагад нийцүүлэх ажлыг зохион байгуулах
- Их сургуулийн нэр хүндийг өсгөх нийгмийн хариуцлагын бодлогыг хэрэгжүүлэх, нийтэд түгээх
- Бүрэлдэхүүн сургууль, салбар, тэнхимийн ажлын төлөвлөгөө, гүйцэтгэлийг хянах, үнэлэх, түүнийг сайжруулахад шаардлагатай ажлыг зохион байгуулах
ШУТИС-ийн чанарын менежментийн тогтолцоо
Чанарын менежментийн тогтолцооны олон улсын стандарт (ISO 9001:2015 болон ISO 21001:2018)-ыг ШУТИС-ийн хэмжээнд нэвтрүүлэхэд багш, ажилтнуудын хамтын оролцоо, ижил ойлголттой болох нь чухал тул та бүхэн дараах товч танилцуулгаас мэдээлэл авна уу. Бид энэхүү ажлыг 2018.10 сараас хойш нэвтрүүлэн, хэрэгжүүлсээр байна.
