Биотехнологи, микробиологи мэргэжлээр суралцаж буй оюутнуудыг эрдэм шинжилгээ, судалгааны ажилд дадлагажуулах, тэдний бүтээлч сэтгэлгээг хөгжүүлэх, онол, практикийн уялдаа холбоог сайжруулах зорилгоор ШУТИС, ХИБС-ийн Биотехнологийн профессорын багаас “БИОТЕХНОЛОГИ-БИДНИЙ АМЬДРАЛД” сэдэвт оюутны эрдэм шинжилгээний бага хурлыг 2012.03.02-ны өдөр амжилттай зохион байгууллаа. Тус эрдэм шинжилгээний хуралд ШУТИС, МУИС, ХААИС-ийн биотехнологи, микробиологи мэргэжлээр суралцаж буй бакалаврын нийт 20 гаруй оюутан оролцсоноос 15 илтгэлийг хэлэлцүүлж шалгарууллаа. Тэргүүн байранд ХААИС-ийн IV курсийн оюутан О. Энхцэцэгийн “Хөрсний хүнд металлын бохирдолыг бууруулахад микробиологийн аргыг хэрэглэх нь” илтгэл, Дэд байранд ШУТИС, ХИБС-ийн IV курсийн оюутан Э.Энхцацралын “Байгалийн эх үүсвэрээс ялгасан сүүн хүчлийн бактерийн антагонист шинж чанарын судалгаа” илтгэл, Гуравдугаар байранд ХААИС-ийн оюутан IV курсийн Х.Дуламсүрэнгийн “Биологийн аргаар хөрсний үржил шим болон ургацыг нэмэгдүүлэх боломж”, МУИС-ийн IV курсийн оюутан М.Даваажаргалын “Шинэсэрхүү бударганы (Salsola laricifolia Turcz.ex Litv) –ын in vitro судалгаа” илтгэл тус тус шалгарлаа.
Эрдэм шинжилгээний хуралд амжилттай оролцсон нийт оюутнуудад сурлага хөдөлмөр, судалгаа шинжилгээний ажилдаа өндөр амжилт гаргахыг хүсэн ерөөхийн ялдамд идэвх санаачлагатай ажилласан Биотехнологийн профессорын багийн хамт олонд талархал илэрхийлье.
2012.03.06
Монголын 2025 оны оюутны УАШТ-д нийт 26 их дээд сургууль оролцсоноос доктор, профессор Т.Намнан ректортой ШУТИС-ийн баг 50 оноогоор хоёрдугаар байранд шалгарлаа
Бүгд Найрамдах Энэтхэг Улсын Засгийн газрын Техник, эдийн засгийн хамтын ажиллагааны хөтөлбөр (ITEC)-өөр “Газрын тос боловсруулах үйлдвэр”-ийн чиглэлээр сургалтад хамрагдав
Монгол Улсын Ерөнхийлөгчийн санаачилсан тэрбум мод үндэсний хөдөлгөөнийг дэмжин ШУТИС-ийн харьяа эрдэм шинжилгээний хүрээлэнгүүд нэгдэж мод тарив
“Технологи ба хүний эрх” сэдвийн хүрээнд хамтран ажиллах санамж бичиг байгууллаа
Гар барилдааны төрөлд оролцож хүрэл медаль хүртлээ
© 2005- Монгол Улсын Шинжлэх Ухаан Технологийн Их Сургууль, Мэдээллийн технологийн төв
